Устудьуоннар Уһук Илиҥҥэ үлэлиир уонна олорор кыаҕы билистилэр

Алтынньы 7-8 күннэригэр Москватааҕы энергетика институтун устудьуоннарыгар “Москваҕа Уһук Илин эрэгийиэннэрин күннэрэ” тэрээһиннэр чэрчилэринэн Уһук Илини билиһиннэрдилэр.

Быыстапкаҕа кэлбит дьон Уһук Илин туризмҥа кыахтарын билсиһиилэрин сэргэ,  инникитин үлэлиэххэ  уонна карьераны оҥостуохха сөптөөх  сир-дойду  быһыытынан сыаналаатылар.

Үрдүк үөрэх кыһаларын бүтэрээччилэри эрэгийиэҥҥэ күүтэллэр, судаарыстыба  эдэр кэскиллээх исписэлиистэри ыҥырар, наадалаах усулуобуйаны тэрийэр.

«Уһук Илин бары салааҕа карьераны оҥосторго улахан кыахтаах сир-уот. Эрэгийиэн карьераны  оҥосторго, ол иһигэр энергетика секторын уонна ИТ исписэлиистэригэр олус кэскиллээх, ол гынан баран, ону ыччат сыаналаабат. Бу — – саҥа хайысхалары арыйарга уонна саҥа ырыынактар сайдалларыгар “ааннар””, — диэтэ Москватааҕы энергетика институтун НИУ ректора Николай Рогалев.