Устудьуоннар уопсайдарыгар ыаллар блоктара баар буолуохтара

Устудьуоннар олорор уопсайдарыгар ыаллар блоктара баар буолуохтара. РФ бырабыыталыстыбата биир кэлим ыстандаартары оҥорор былааннаах. Бу туһунан РФ вице-премьерэ Дмитрий Чернышенко Бүтүн Арассыыйатааҕы устудьуон ыаллар бэстибээллэригэр иһитиннэрдэ диэн объясняем.рф саайт суруйар.

«Валентина Ивановна [Матвиенко] биһиэхэ сорудахтаабыта. Ону биһиги университеттарга хайдах быһыылаахтык оҥоһуллан олоххо киирэрин көрөн, толкуйдаан, ыстандаартары оҥоруохпут», — диэбит вице-премьер.

Кини этэринэн, ол блоктарга туспа куукуна, ийэ уонна оҕо хоһо баар буолуохтаахтар.