Анал байыаннай эпэрээссийэҕэ хомуурга ыҥырыллыы саҕаланыаҕыттан кэккэ өйөбүл миэрэлэр киирэ тураллар. Олортон устудьуоннарга сыһыаннаах икки түгэни бэлиэтиир тоҕоостоох.
Бастакытынан, Ил Дархан быһаарыытынан эрэгийиэннээҕи анал истипиэндьийэ. “5607 солк. кээмэйдээх анал истипиэндийэ билигин дойдубутун көмүскүү сылдьар хомуурга ыҥырыллыбыттар уонна байыаннай сулууспалаахтар дьиэ кэргэттэригэр көрүллэр. Бу истипиэндьийэ академическай, социальнай истипиэндьийэлэртэн тутулуга суох бэриллэр”, — диэн СӨ Үөрэҕин уонна билимин миниистирин бастакы солбуйааччы Михаил Присяжнай иһитиннэрэр.
Маныаха устудьуон судаарыстыбаннай дуу, чааһынай дуу тэрилтэҕэ, орто дуу, үрдүк дуу үөрэххэ, босхоҕо дуу, төлөбүрдээххэ дуу үөрэнэрэ оруолу оонньооботун бэлиэтиир. Бу күннэргэ, министиэристибэ дойду 110 үрдүк үөрэҕин ректорыгар, устудьуон чахчы үөрэнэрин туоһулуур ыспыраапканы уталыппакка ыыталларыгар суруктары ыыталаабыт.
Иккиһинэн, хомуурга ыҥырыллыбыттар уонна байыаннай сулууспалаахтар дьиэ кэргэттэрин кытта тус сыаллаах үөрэх дуогабарын баттаһыы. Бу билигин үөрэнэ сылдьар устудьуоннарга сыһыаннаах. Маныаха устудьуон эбэһээтэлистибэ быһыытынан быраактыкатын дуогабардаспыт тэрилтэтигэр (сакаасчыт) барыахтаах, үөрэҕин бүтэрдэҕинэ үс сыл тустаах тэрилтэҕэ үлэлиэхтээх.
Хаартыска: СИАтан.
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…