Устудьуоннары өйөөһүҥҥэ Саха сирин уопутун Арассыыйаҕа туһаныахтарын сөп

Устудьуоннары өйөөһүҥҥэ Саха сирин уопутун Арассыыйаҕа туһаныахтарын сөп

06.12.2022, 10:45
Бөлөххө киир:

Байыаннай эпэрээссийэ кыттыылаахтарын дьиэ кэргэттэриттэн устудьуоннары өйөөһүҥҥэ Саха сирин уопутун Арассыыйаҕа туһаныахтарын сөп. 

“Үөрэхтээһин” хайысханан Арассыыйа Федерациятын Судаарыстыбаннай сэбиэтин хамыыһыйатын “Орто идэтийбит үөрэхтээһин” хамыыһыйатын оробуочай бөлөҕүн үлэтигэр байыаннай сулууспалаахтар, хомуурга ыҥырыллыбыттар дьиэ кэргэттэрин өйүүр миэрэлэри киллэрии тумус тутуллар хайысханан буолуоҕа. Ол туһунан Саха сирин баһылыга Айсен Николаев ахсынньы 5 күнүгэр эппитэ.

Айсен Николаев билиҥҥи балаһыанньаҕа орто идэтийбит үөрэхтээһин тиһигэ дойду экэниэмикэтин бөҕөргөтүүгэ ойуччу суолталааҕын бэлиэтээтэ.

Билиҥҥи балаһыанньа бары кыттааччылары дойдубут соруктарын толорууга кыттарга ыҥырар. Орто идэтийбит үөрэхтээһин тиһигэ дойду ыҥырыытыгар тугунан хоруйдаата? Манна биһиги оробуочай бөлөхпүт оруола улахан буолуохтаах, тоҕо диэтэххэ, биһиги сорукпут – РФ Үөрэххэ министиэристибэтин кытта суһаллык билиҥиҥ кэмҥэ орто идэтийбит үөрэхтээһин эйгэтигэр көҕүлээһиннэргэ сыанабылы, сүбэни, этиини биэрии”, — диэтэ кини бөлөх чилиэннэригэр туһаайан.

Кини байыаннай сулууспалаахтар, хомуурга кыттар дьон дьиэ кэргэттэрин өйүүр миэрэлэри ааттаата. Маныаха Айсен Николаев социальнай өйөбүл федеральнай миэрэлэрин сэргэ эрэгийиэн миэрэтэ олохтоммут Саха сирин уопутун холобурдаата, ол иһигэр идэтийбит үөрэхтээһин тиһигэр.

Бүгүн Саха сиригэр байыаннай сулууспалаахтар оҕолоро ким-хайа иннинэ өрөспүүбүлүкэ бүддьүөтүн суотугар үрдүк уонна орто идэтийбит үөрэх тэрилтэлэригэр тус сыаллаах үөрэтиигэ дуогабардары түһэрсэллэр. Төрөппүттэрэ быстах хомуурунан байыаннай сулууспаҕа сылдьар кэмнэригэр үрдэтиллибит истипиэндьийэлэр олохтоннулар”, — диэтэ кини.

Саха сиригэр үөрэх тэрилтэлэрин таһымыгар миэрэлэр быйылгыттан туох да эридьиэһэ суох судургутук бэриллэллэр. Ол курдук, үрдээбит истипиэндьийэ  орто идэтийбит үөрэхтээһин 140 устудьуонугар төлөнөр. Оттон өрөспүүбүлүкэ судаарыстыбаннай бүддьүөтүн суотугар үрдүк уонна орто анал тус сыаллаах үөрэххэ үөрэнэр оҕолору кытта  85  дуогабар түһэрсилиннэ.

Айсен Николаев кэллиэстэр уонна техникумнар производство өттүнэн көмөлөһүөхтэрин сөбүн бэлиэтээтэ. Маныаха Омскай уобалаһын байыаннай эпэрээссийэ кыттыылаахтарын өйөөһүҥҥэ уонна хааччыйыыга уопутун, үөрэх-производство кииннэрин тэрийиигэ көрүүтүн туһаныахха сөбүн эттэ.

Санаттахха, сэтинньи 25 күнүгэр Арассыыйа Бэрэсидьиэнэ Владимир Путин  байыаннай сулууспалаахтар ийэлэрин кытта көрсүһүүтүгэр анал эпэрээссийэ кыттыылаахтарын өйүүр миэрэлэри тэрийиигэ Саха сирин уопутун тарҕатарга сорудахтаабыта.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Хаартыска: тустаах саайтан

Лента
Салгыы
29 января
  • -45°C
  • Ощущается: -45°Влажность: 64% Скорость ветра: 0 м/с

Сообщить об опечатке

Текст, который будет отправлен нашим редакторам: