Сэтинньи 14 күнүгэр Дьокуускай куорат борокуратуурата силиэдэбэтэл хадатаайыстыбатын өйөөтө, онон суут 2007 с.т. Бүлүү улууһуттан сылдьар уолу хаайарга быһаарыы ылынна. Бу уол РФ Холуобунай кодексатын 111-с ыстатыйатын 4-с чааһынан (сэрэҕэ суохтан киһини ыараханнык эчэтэн, өлөр өлүүгэ тиэрдии) буруйданар.
Силиэстийэ сабаҕалыырынан, сэтинньи 1 күнүгэр буруйданааччы устудьуоннар уопсайдарын биир хоһугар арыгы иһэн баран, охсуһууга ХИФУ 1-кы куурус устудьуонун кырбаабыт, ол түмүгэр, сэтинньи 10 күнүгэр төбөтө хампы сынньыллыбыт 18 саастаах уол балыыһаҕа сытан, тыына быстыбыт.
Холуобунай дьыала тэриллэн, силиэстийэлиир үлэ ыытыллар, ону борокуруор хонтуруолга тутар диэн СӨ Борокуратуурата иһитиннэрэр.
Санатар буоллахха, Арассыыйа Силиэстийэлиир кэмитиэтин салайааччы Александр Бастрыкин бу дьыаланы тус хонтуруолугар ылбыта.
.
Сообщить об опечатке
Текст, который будет отправлен нашим редакторам: