Устудьуону өлөрүүгэ силиэстийэ уопсай дьиэҕэ хонтуруол мөлтөҕүн ыйда

Өрөспүүбүлүкэ борокуруора Сергей Дябкин сорудаҕынан ыытыллыбыт силиэстийэ харабылланар  эбийиэккэ — уопсай дьиэҕэ хонтуруол мөлтөҕүн бэлиэтээтэ.

Видео камералар баалларын үрдүнэн, бу иирсээн түргэнник быһаарыллыбатах уонна  бохсуллубатах. Уопсайга дуоһунастаах дьон тустаах быраабыланы толоруулара олох мөлтөх эбит: уопсай дьиэҕэ олорор устудьуоннар хосторугар арыгы аҕалан иһэллэр, арыгы түүн аҕалыллар. Атын быраабыланы кэһиилэр эмиэ бэлиэтэннилэр.

Санатан эттэххэ,  сэтинньи 1 күнүгэр буруйданааччы устудьуоннар уопсайдарын биир хоһугар арыгы иһэн баран, охсуһууга ХИФУ 1-кы куурус устудьуонун кырбаабыт, ол түмүгэр, сэтинньи 10 күнүгэр төбөтө хампы сынньыллыбыт 18 саастаах уол балыыһаҕа сытан, тыына быстыбыт.

Сиһилии өрөспүүбүлүкэ борокуратууратын саайтыгар киирэн бу сигэнэн билсиэххитин сөп: