ИДьМ пресс-сулууспатын хаартыската
Бу дьыл атырдьах ыйын 12 күнүгэр ИДьМ сулууспатын суһал мунньаҕар ИДьМ миниистирэ Владимир Прокопенко кыттыылаах өрөспүүбүлүкэ Култуура нэһилиэстибэтин харыстабылыгар управление салайааччыта Николай Макаров полиция майоругар, эспиэр-криминалист киинин старшай эспиэригэр Дина Омельяненкоҕа култуура нэһилиэстибэтин харыстааһыҥҥа улахан кылаатын иһин СӨ Бырабыыталыстыбатын Бэрэссэдээтэлин солбуйааччы Сергей Местников аатыттан Махтал суругу үөрүүлээх быһыыга-майгыга туттарда.
Атырдьах ыйыгар Каландаришвили уулуссаҕа баар XVII үйэ бүтүүтүнээҕи Дьокуускай остуруогун сиригэр-уотугар быйыл ыам ыйыгар саҕаламмыт археологическай хаһыылар түмүктэммиттэрэ.
Үлэни «Утум+» хампаанньа сакааһынан Ханты-Мансийскай аптаныамыйалаах уокуруктан «Хотугу археология-1» ХЭТ ыытта. Хаһыылар элбэх соһуччу уонна сенсационнай булумньулаах буоллулар, ол иһигэр XVIII үйэ саҕаланыытыгар сыһыаннаах буолуон сөптөөх туос суруктар көстүбүттэрэ.
Туос суруктар буорга сытан хараарбыттарынан, археологтар көмө көрдөөн СӨ ИДьМ эспиэр-криминалист киинигэр тиийбиттэр. ИДьМ ЭКК старшай эспиэрэ, полиция майора Дина Омельяненко устуоруйа артефактарын тиэкиһин видеоспектральнай компаратор көмөтүнэн, УФ уонна ИК-люминесценцияны туһанан, ымпыктаах-чымпыктаах үлэнэн чөлүгэр түһэрдэ.
Бу тэрилинэн үксүн докумуоннары, илии суолун уонна атын мал-сал дакаастабылларын чинчийэллэр. Ультрафиолетовай уонна инфракраснай сардаҥалар туос сурукка алдьатар дьайыыларын намтатар инниттэн, үлэни баҕарбытын курдук түргэнник ыытыахха наада этэ, ону эспиэрдэр туйгуннук толордулар.
Устуоруйа артефактарын чөлүгэр түһэриллибит тиэкистэрин ойуулара учуонайдарга салгыы үөрэтиигэ бэрилиннилэр. ИДьМ старшай эспиэрэ Дина Омельяненко 14 туос суругу уонна кумааҕы докумуону – 1714-1719 сс. Архимандрит Феофаҥҥа туһаайыллыбыттарын аныгы кэм ньымаларын уонна сыыппара технологияларын туһанан харыстыырга уонна үөрэтэргэ улахан кылаатын киллэрдэ.
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…
Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…