Устуоруйа биридимиэтигэр үөрэх кинигэтин бэлэмнээһини уонна иитэр үлэни тэрийиини Бүтүн Арассыыйатааҕы мунньахха кэпсэттилэр

Москваҕа эрэгийиэннээҕи үөрэх миниистирдэрэ, үрдүк үөрэх кыһаларын ректордара уонна оҕо федеральнай кииннэрин салайааччылара, РФ Үөрэҕириитин министиэристибэтин биэдэмэстибэннэй тэрилтэлэрэ кыттыылаах Бүтүн Арассыыйатааҕы мунньах буолла.

“Бүгүн манна дойду 89 эрэгийиэнин миниистирдэрэ уонна 35 социальнай бэлиитикэҕэ вице-губернатордара муһуннулар. Биһиги дойдубут инникитэ чопчу эһигиттэн тутулуктаах. Билигин устуоруйаҕа биир кэлим үөрэх кинигэтин оҥорууга, РФ Бэрэсидьиэнин көмөлөһөөччүтэ Владимир Мединскэйи кытта ыкса ситимнээх, үлэлэһэ сылдьабыт. Ааспыты учуоттуохтаахпыт уонна буолбут алҕастары хатылыа суохтаахпыт” ,– диэн РФ Үөрэҕириитин миниистирэ Сергей Кравцов эттэ.

Миниистир үөрэх саҥа кинигэтин туһунан этэригэр араас эрэгийиэн педагогтара 5-9 кылаас үөрэнээччилэригэр аналлаах устуоруйа кинигэтин хаачыстыбатын бэрэбиэркэлиэхтэрин итиэннэ ааптардарга бэйэлэрин санааларын биллэриэхтэрин туһунан бэлиэтээбит. Миниистир эрэгийиэннээҕи министиэристибэлэр салайааччыларыгар туһаайан, манна эппиэтинэстээхтик сыһыаннаһалларыгар эттэ уонна эрэгийиэннээҕи кииннэргэ диэри тиэрдиини киллэрэн туран, биир кинигэ кууһунан сыаната 209 солк. кэриҥэ суумаҕа тэҥнэһиэн иһитиннэрдэ.

Ону тэҥэ, Сергей Кравцов үөрэнээччилэри уонна устудьуоннары иитии үлэтигэр суолта ууралларыгар болҕомтону туһаайда. Бу туһунан Үөрэх уонна билим министиэристибэтин саайта сырдатар.