Усуйаана быраастара аҕам саастаах дьону уонна инбэлииттэри көрдүлэр

Усуйаана оройуонугар киин балыыһа эмчиттэрэ инбэлииттэр уона аҕам саастаах дьон Интэринээт-дьиэлэригэр, ону тэҥэ дьиэлэринэн сылдьан кырдьаҕастары көрдүлэр.

Быраастар Депутатскай, Казачье, Уус Дьааҥы, Хайыр, Аллараа Дьааҥы, Тумат уонна Уус Куйга сэлиэнньэлэригэр үлэлээтилэр.

Уопсайа 60 киһи доруобуйатын туругун көрдүлэр, кинилэртэн 10 киһини эбии чинчийиигэ ыытыахтара. Ону тэҥэ интэринээккэ олорооччуларга уонна үлэһиттэргэ быһыы туруордулар.

Быраастар көһө сылдьан көрүүлэрин “Демография” национальнай бырайыак “Аҕа көлүөнэ” федеральнай бырайыагар олоҕуран ыыттылар.

Өрөспүүбүлүкэ Доруобуйа харыстабылын министиэристибэтэ иһитиннэрбитинэн, маннык кэрийэ сылдьан көрүү түмүгэр кырдьаҕастар мэдиссиинэ чинчийиитин кэмигэр ааһар кыахтаналлар. Бу уһуннук, чэгиэнник олорорго көмөлөһөр.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.