Усуйаана олохтооҕо светильнигинэн кырбаан киһини өлөрбүт

Усуйаана улууһун 50 саастаах олохтооҕо билэр киһитин тимир светильнигинэн кырбаан өлөрбүт. Бу туһунан СӨ Борокуратууратын пресс-сулууспата иһитиннэрэр.

Быһылаан бу сыл ыам ыйыгар Тумат бөһүөлэккэ буолбут. Эр дьон кыбартыыра иһигэр мөккүспүттэр. Онно буруйданааччы тимир светильниги хаба тардан, эмсэҕэлээччи төбөтүн иккитэ охсубут. Эчэйиилэртэн аннараа киһи тыына быстыбыт.

Суут эр киһи көҥүлүн алта сылга быспыт. Бириигэбэр күүһүгэр киирэ илик.