Усуйаана Туматыгар «Тоҥ балык -2024» күрэхтэһии буолла

«Кыһын Саха сириттэн саҕаланар» бэстибээл чэрчитинэн Усуйаана улууһун Тумат нэһилиэгэр үгэскэ кубулуйбут «Тоҥ балык-2024» күрэҕэ ыытылынна. 

Тэрээһин «Түмсүү » култуура дьиэтигэр буолла. Нэһилиэк эр бэртэрэ кыстыкка бэлэмнэнэн балыктаан, бултаан-алтаан кэлбит кэмнэрин баттаһа буолбутун туһунан кулууп дириэктэрэ Андриан Христофорович Горохов санаатын үллэстэр:

-Күөн күрэс үс түһүмэҕинэн ыытылынна. Ол курдук, ким ордук чараастык, кыраһыабайдык кыһарыгар «Чараас кыһыы»уонна «Индигирка» салаат астааһына, киэргэтиитэ буолла. Бастакы түһүмэххэ «Үрдүк кыһыыга» биэс мүнүүтэ иһигэр балыгы хатырыктаан, кыһан Захаровтар дьиэ кэргэттэрэ кыайыылаах буоллулар. Иккис түһүмэххэ «Чараастык кыһыы» номинацияҕа Протодьяконовтар дьиэ кэргэттэрэ таҕыстылар. Үһүс түһүмэххэ кыттааччылар «Индигирка салааты»  оҥорууга эмиэ Захаровтар дьиэ кэргэттэр бүлүүдэлэрэ бастаата. Дьүүллүүр сүбэ түмүгүнэн, кэргэннии учууталлар Ульяна уонна Савва Захаровтар дьиэ кэргэттэрэ кыайыылааҕынан буоллулар.

Маннык тэрээһиннэр ыраах тайаан сытар Тумат нэһилиэгин дьонун-сэргэтин түмэр уонна сэргэхситэр. Үтүө төрүт үгэс умнуллубат.