Усуйаанаҕа 20 киилэттэн тахса сэлии муоһун былдьаатылар

Усуйаана улууһугар сэлии фаунатын тобохторун хомуйууну уонна эргиниини бэрэбиэркэлиир кэмҥэ, уопсай ыйааһына 20,7 киилэ буолар сэлии муостарын былдьаатылар. Бу туһунан СӨ Борокуратууратын пресс-сулууспата иһитиннэрэр.

Эспиэрдэр бигэргэппиттэринэн, булумньу ураты научнай уонна култуурунай сыаналаах түүлээх сэлии муостара буолар. Муостары Дьааҥы өрүс кытылыттан булбуттар.

«Бу чахчыларынан Дьокуускайдааҕы айылҕаны харыстыыр борокуратуура урут суукка сэлии муостарын хаһаайына суоҕунан билинэргэ уонна Саха Өрөспүүбүлүкэтин бас билиитигэр биэрэргэ сайабылыанньа киллэрбитэ суутунан толору бэлиэтэммитэ», — диэн кэтээн көрөр биэдэмистибэҕэ бэлиэтээтилэр.

Маны таһынан, муоһу хостуур кэмҥэ Дьааҥы өрүс кытылын суурайыы түмүгэр ууга үөскүүр харамайдар өлбүттэр, айылҕаҕа 404 тыһыынча солкуобайдаах хоромньу оҥоһуллубута быһаарылынна. Уу баайын харыстааһын быраабылатын кэһии туһунан холуобунай дьыала оҥоһуллубут хоромньуну толуйтарар ирдэбил сурук суукка ыытылынна.