Хаартыска: "Заря Яны".
Тохсунньу 26 күнүгэр Усуйаана улууһун Нижнеянскай бөһүөлэгэр улахан баһаар буолла. Бу туһунан Усуйаана улууһун баһылыга Валерий Сидорин быһаарыы биэрдэ.
— Баһаар «Теплоэнергосервис» тэрилтэ дьиэтигэр буолла. Бу дьиэҕэ бөһүөлэк дьаһалтата, баан отделениета, буоста, маҕаһыын, бибилэтиэкэ уонна Арассыыйа ФСБ управлениетын пограничнай сулууспата бааллара. Күүстээх тыаллаах буолан, уот түп-түргэнник оскуола уонна уһуйаан дьиэлэригэр көстө, онон баһаары умуруоруу кыаллыбата.
Билигин, бастатан туран, үөрэх салҕанарын хааччыйыы соруга турар. Онон култуура дьиэтигэр кылаастары арыйыахха, онно суһаллык өрөмүөн үлэтин ыытыахха наада. Оскуола миэбэлин, тээбириннэрин, учуобунньуктарын чугастааҕы бөһүөлэктэртэн аҕалыахпыт.
Атын тэрилтэлэр тустарынан эттэххэ, бөһүөлэк баһылыга Александр Хабибуллины кытта быһаарыы ылыныахпыт. Олорор дьиэлэргэ да көһөрүөххэ сөп, барыйааннар бааллар.
Нижнеянскайга түргэнник тиийэ охсоору, суол аһылларын кэтэһэбит. Миигин кытта үөрэх управлениетын начаалынньыга, эксплуатационнай сулууспа салайааччыта уонна өрөмүөнү ыытарга бэдэрээтчит барсыахтара.
Бу үлэлэр төһө кыалларынан суһаллык ыытыллыахтара. Былаан оҥорон, матырыйаалларынан хааччыйан, соругу толорорго бэлэммит.
Бу иэдээҥҥэ бастакынан көмөлөһөргө тылламмыт дьоҥҥо, тэрилтэлэргэ махтаныахпын баҕарабын. «Теплоэнергосервис» ититии ситимин радиатордарын биэрдэ, «АрктикТелеком» дьиэ билиннэҕинэ, антенна туруоран, үөрэнээччилэри бэс ыйыгар диэри босхо интэриниэтинэн хааччыйыаҕа, — диэн кини эттэ.
СӨ борокуратуурата иһитиннэрбитинэн, сабаҕалааһын быһыытынан, баһаар күүстээх тыалга элэктэриичэстибэ уотуттан барбыт.
Усуйаана улууһун дьаһалтатын пресс-сулууспата
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…