Видеоттан скриншот
Усуйаана оройуонугар бэҕэһээ, муус устар 11 күнүгэр, буурҕа кэмигэр Хаһааччыйаттан Тумат нэһилиэгэр буранынан спартакиадаҕа айаннаан иһэр оҕолор сүппүттэрин туһунан сурах социальнай ситимҥэ тарҕана сылдьар.
Сурах чахчытын, сымыйатын быһаараары Тумат нэһилиэгэр эрийэн сибээскэ таҕыстыбыт. Миигин кытта нэһилиэк култууратын дьиэтин дириэктэрэ Андриан Христофорович Горохов кэпсэттэ:
— Биһиги нэһилиэкпитигэр улахан дьоҥҥо улуустааҕы спартакиада буола турар. Манна Дьүкээгир, Хаһааччыйа, Усуйаана уонна Тумат нэһилиэктэриттэн мини-футболга, волейболга, бильярдка, тиэннискэ, хабылык, хаамыска көрүҥнэригэр кытта сылдьаллар. Нэһилиэктэр икки ардылара ортотунан 130 км тэйиччи, онон буранынан эрэ сылдьабыт. Бэҕэһээ күнүс Хаһааччыйаттан күнүс икки чааска кыттааччылар арахпыт сурахтарын истибиппит. Буурҕа түһэн бэйэбит нэһилиэкпититтэн үс буранынан дьону көрдөтө диэн киэһэ тоҕуска уолаттары ыыппыппыт. Хата, дьоммут уонна кыттааччыларбыт этэҥҥэ Туматы булбуттара. Онон, тэрээһиммит этэҥҥэ ыытылла турар. Бүгүн буурҕа суох, халлааммыт сааскылыы турда. Онон дьону була иликтэр диэн ити тарҕанар сурах олоҕо суох.
Ааспыт сууккаҕа Саха сиригэр буруйу оҥоруу аҕыс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Нам улууһугар көҥүл тустууга норуоттар икки ардыларынааҕы успуорт маастара Иннокентий Николаевич Зырянов кэриэһигэр ыытыллыбыт 2011-2013…
Бүгүн, олунньу 4 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, Дьокуускайга күн устата…
Олунньу 4 күнэ үүнэр түүнүгэр Тандаҕа оҕо уһуйаана умайда. Бу туһунан Уус Алдан улууһун дьаһалтатын…
Бэҕэһээ, тохсунньу 3 күнүгэр, Бүлүүлүүр суолга эр киһи сүппүтүн туһунан суруйан турабыт. СӨ Быыһыыр сулууспата…
Бүгүн, олунньу 4 күнүгэр, өрөспүүбүлүкэ хоту, арҕаа, соҕуруулуу-илин өттүгэр кыралаан хаардыаҕа. Күнүс соҕуруулуу-илин хаар сөбүгэр…