Усуйаанаҕа харыйа уота сандаарда

Кэлэн иһэр саргылаах Саҥа дьылынан ытык-мааны сахам дьоно!  Уһук хоту дьааҥы үрэх үрдүгэр турар Усуйаана улууһун Усуйаана нэһилиэгэр “Кыһын Саха сириттэн саҕаланар” бэстибээл чэрчитинэн, кэлэн иһэр саҥа дьылы уруйдаан-айхаллаан, эҕэрдэлээн Усуйаана нэһилиэгэр араас өҥнөөх харыйабыт уота  күлүмурдүү оонньоото.

Тымныы оҕонньор сиэн кыыһын Хаарчаананы кытта эҕэрдэ тыл этэн, күндү ыалдьыт буоллулар. Оҕолорго минньигэс бэлэх туттардылар, бука бары улахан дьоннуун,  оҕолуун илии тутуһан  хороводтаан дуораттылар. Кэлэр сыл хас бииидии ыалга үтүөнү эрэ түстээтин, дьол тосхойдун!

Матрена ПОПОВА.