Бу күннэргэ “Полярнай авиалиниялар” авиахампаанньа бөртөлүөтэ Усуйаана оройуонун Депутатскай бөһүөлэгиттэн нэһилиэктэргэ көппөтөҕө үһүс нэдиэлэтэ буолбутун туһунан олохтоохтор суруйуулара социальнай ситимнэринэн тарҕанна.
“Өрүс төһө да тоҥо илигин үрдүнэн, дьон олохторугар куттал суоһуурун кэрэйбэккэ, бураанынан айанныы сылдьаллар. Баатаҕайга үс бөртөлүөт баарыттан, бүтүн Арктика үрдүнэн биирэ эрэ көтүүнү оҥорор”, — диэн суруйаллар кыһалҕалаахтар.
Олохтоохтор социальнай ситимнэргэ суруйууларыгар “Полярнай авиалиниялар” авиахампаанньа пресс-сулууспатын салайааччыта Станислав Платонов маннык хоруйу биэрдэ:
— Кырдьык, авиахампаанньа б.дь. алтынньы 3 күнүттэн Ми-8 бөртөлүөтүнэн социальнай суолталаах көтүүнү оҥорорго былааннаабыта. Ол эрээри Дьааҥы уонна Усуйаана оройуоннарыгар күн-дьыл туруга мөлтөөн, дьон олоҕор куттал суох буолуутун ирдэбилигэр олоҕуран, көтүү оҥоһуллубатаҕа. Метеосулууспа үлэһиттэрэ бэлиэтииллэринэн, дьыл уларыйыытын кэмигэр хайалаах сиргэ өрүү инчэҕэй хаар түһэр. Бу маннык күн-дьыл хас да хонуктан саҕалаан, ыйы быһа да туруон сөп.
Бүгүҥҥү күҥҥэ Усуйаана оройуонугар бөртөлүөт көтөр усулуобуйата олохтонно. Алтынньы 16 күнүгэр Баатаҕайтан Депутатскайга Ми-8Т көтөр аал тиийбитэ. Онон, алтынньы 17 күнүттэн 7 социальнай суолталаах көтүү Казачьеҕа, Тумакка, Усуйаанаҕа оҥоһулунна. Аны бөртөлүөт Уус Куйгаҕа, Нижнеянскайга, Юкагирга уонна Хайырга көтүөҕэ. Маны таһынан, “Якутоптторг» сайаапкатынан бородуукта тиэйиллиэҕэ. Оройуоҥҥа көтөр аал экипааһа түөрт күн үлэлиэҕэ. Пассажирдарга көтүү уһатыллыбытын иһин бырастыы гыналларыгар көрдөһөбүт.
Саха сирин бастакы вице-премьера Дмитрий Садников миниистир бастакы солбуйааччытынан анаммыт Светлана Арбузованы Баайга-дуолга уонна сир…
Саха сирин баһылыга Айсен Николаев сорудаҕынан, Инбэлииттэри кэлимник реабилитациялыыр өрөспүүбүлүкэтээҕи социальнай-чэбдигирдэр кииҥҥэ анал байыаннай дьайыы…
Дьокуускай куорат аннынан муус хойуутук устар. Дьокуускай — Аллараа Бэстээх маршрутунан Өлүөнэ өрүскэ барыта 30…
ИДьМ холуобунай ирдэбилин үлэһиттэрэ Хаҥалас улууһугар харчыны уорууга уорбаланар 52 саастаах эр киһини туттулар. Бу…
Сунтаар улууһа дьоруойдарынан киэн туттар. Дьокуускайга "Арассыыйа – мин устуоруйам" түмэл хамсааһынынан, Дьоруой Дмитрий Егоров…
Билигин Саха сиригэр 23 тыһыынчаттан тахса экологическай массыына регистрацияланна. Эрэгийиэннээҕи бырамыысыланнас министиэристибэтэ сыаналыырынан, тиэхиньикэни гаас…