Усуйаанаҕа ЫБМ эрэсиимэ тохтотулунна

Усуйаанаҕа ньиэп тохтубут саахала тахсыытыгар 190 куб.м кирдээх хаар, 90 куб.м буор, 60 куб.м муус тиэйиитин үлэтэ түмүктэннэ диэн ЫБММ пресс-сулууспата суруйар.

Хомуллубут хаары уонна мууһу «Кристалл» шахтаҕа утилизациялыырга илдьибиттэр.
Усуйаана улууһун баһылыгын 144-с №-дээх дьаһалынан ыксаллаах быһыы-майгы эрэһиимэ тохтотулунна.

Санатан эттэххэ, Усуйаана улууһугар Хаһааччыйа сэлиэнньэттэн 75 км ыраах тэйиччи Яна өрүскэ 40 куб. емкостан дизельнэй уматык тохтубута.