Хаартыска: Марта Николаева
Куоракка араас улуустар түмсүүлэрэ бэрт тэрээһиннээхтик үлэлииллэр. Олортон биирдэстэрэ күөх сайыны уруйдаан, «Усуйааналар» диэн үһүс сылларын бырайыак тэрийэн, Өксөкүлээх Өлөксөй аатынан култуура киинигэр усуйааналар айар талааннаахтарын кэнсиэрэ буолла.
Бу бырайыагы түмсүү салайааччылара СӨ култууратын үтүөлээх үлэһитэ Ирина Васильевна Абрамова уонна саха эстрадатын театрын артыыһа Анатолий Горохов тэрийэн ыыттылар. Саала тобус толору көрөөччүлээх. Биири сөҕө көрбүтүм, холга мустан кэпсэтэн-ипсэтэн баран, налыччы киирэн көрөр дьон эбиттэр. Көрөөччүтэ кырдьаҕас, орто, эдэр көлүөнэ бары тэҥҥэ бааллар. Кэнсиэри ырыаһыт, мелодист, түмсүү салайааччыта Анатолий Горохов иилээн-саҕалаан ыытта.
Усуйаана улууһун айар талааннааҕа, 25 сылын гитараттан илиитин араарбакка ыллыы сылдьар Сидор Рожин, Иннокентий Барабанскай, Римма Мидиева, Ньурба улууһугар олорор биир дойдулаахтара Адыльбек Искахов о.д.а толорууларын астына көрдүбүт. Туматтан Николай Слепцов оҕолорго вокальнай ансамбль тэрийэн үлэлэтэр. Куоракка Тумат ансаамбыла кэлэн оҕолор иэйэн туран ыллаатылар.
Түмсүү көхтөөх дьонугар, спортсменнарга харчынан сертификаттары туттардылар. «Яна» ТХПК Тумат ансаамбылга музыкальнай инструменнарын саҥардарга сертификат туттарда.
Анатолий Горохов биир идэлээхтэрэ Василий Еремеев, Умсуура кэлэн ырыанан эҕэрдэлээтилэр.
Биһиги усуйааналарга тоҕо анаан-минээн тиийдигит диэтэххэ, «Оһуокай» түмсүү бэрэссэдээтэлин солбуйааччы Ирина Васильевнабыт үҥкүүтүн астына көрдүбүт. Салайааччыларбытыттан биирдэстэрэ Ирина Васильевна төрөөбүт улууһун түмсүүтүн салайааччыларыттан биирдэстэрэ буолар. Тэрийэр дьоҕурдаах. Куоракка хас да үҥкүү коллективтаах. Кини СӨ култууратын үтүөлээх үлэһитэ. Быйыл култуура салаатыгар үлэлээбитэ үйэ чиэппэрэ буолла. Онон, биир дойдулаахтара эмиэ сертификат туттардылар.
Усуйааналар хоту дьон сиэринэн кэнсиэртэрэ холкутук, налыччы уһуннук буолла. Эрчимнээх ырыалартан астына дуоһуйдубут.
Марта Николаева
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…