СӨ Ил Дарханын уонна Бырабыыталыстыбатын пресс-сулууспата
Усуйаана улууһуттан “Саха сирэ – Дьоруойдар сирдэрэ” каадыр бырагырааматыгар байыаннай дьайыы кыттыылаахтара — Максим Иванов, Анатолий Стручков уонна Тит Захаров киирдилэр.
Уһук Илин араас эрэгийиэннэриттэн киирбит 580-тан тахса сайабылыанньаттан 25 киһи күнүстэн үөрэххэ талылынна.
СӨ Ил Дарханын уонна Бырабыыталыстыбатын пресс-сулууспата улуус хаһыатыттан ылыллыбыт матырыйаалларга олоҕуран оҥорбут иһитиннэриитинэн, Анатолий Стручков Дьокуускай куорат олорор дьиэ боппуруостарын управлениетыгар үлэлиир. Кини дьону хаарбах дьиэттэн көһөрүү боппуруоһун быһаарсар исписэлиис. 2022 сыллаахха күһүн мобилизацияламмыт. Сулууспатын 2024 сыллаахха түмүктээбит. Соҕуруу Донецкай хайысхаҕа минометнай батареяҕа ыстаарсай разведчигынан, 5-с аармыйа 394-с мотострелковай полкатын разведкалыыр ротатын бөлөмүөтчүгүнэн уонна БПЛА операторынан сулууспалаабыт.
Тит Захаров 2024 сыл сэтинньититтэн 2025 сыл муус устар “Боотур” этэрээтигэр автотранспортнай отделение хамандыырынан сулууспалаабыт. Доруобуйа харыстабылын салаатыгар 12 сыл үлэ ыстаастаах. Усуйаана оройуонугар уонна Доруобуйа харыстабылын министиэристибэтигэр үлэлээбит. Тит Иванович Покровскай куоракка Уу хомунаалынай хаһаайыстыбатыгар инженер-технологынан үлэлиир.
Максим Иванов Дьокуускайга БПЛА инструкторынан үлэлиир. Байыаннай дьайыыга 2022 сылтан 2024 сылга диэри кыттыбыта, взвод хамандыыра этэ. II истиэпэннээх “За заслуги перед Отечеством” уордьанынан, «За отвагу», II истиэпэннээх «За храбрость” мэтээллэринэн, Луганскай Норуодунай Өрөспүүбүлүкэтин наҕараадаларынан наҕараадаламмыта.
Ил Дархан Айсен Николаев салалтатынан олоххо киирэр “Саха сирэ – Дьоруойдар сирдэрэ” каадыр бырагыраамата байыаннай дьайыы кыттыылаахтарын өйүүргэ туһуланар.
Сиһилии: https://www.sakha.gov.ru/news/7149 сигэнэн көрүҥ.
Дьокуускай киинигэр Киров уулуссаҕа баар түүҥҥү аралдьытар тэрилтэ аттыгар түөрт киһи икки уолу кырбаабыттар. Бэрэбиэркэ…
Тымныы полюһа Өймөкөөн Тымныытын сирэйдиир икки мэҥэ бэлиэ баар – Дьыл оҕуһа уонна Чысхаан. Тымныы…
Ил Дархан Айсен Николаев Дьокуускайга оробуочай сырыытынан кэлбит «Газпромбанк» АУ вице-бэрэсидьиэнинэн, «Үрдүк технологиялаах мэдиссиинэ көмөтө»…
СӨ Бырабыыталыстыбатын Бэрэссэдээтэлин солбуйааччы Сергей Местников, дойду Бэрэсидьиэнин Владимир Путин быһа эпиирин кэннэ, өрөспүүбүлүкэҕэ култууралар…
Силиэстийэлиир кэмитиэтин (СК) баһылыга РФ Бэрэсидьиэнин быһа сибээһигэр этиллибит Саха Өрөспүүбүлүкэтин олохтоохторун бырааптара кэһиллибитин туһунан…
Саҥа дьыллааҕы сиэр-туом хаһааҥҥыттан олохсуйбута биллибэт эрээри, дьон тутуһар: 1.Үүнэр сылга харчы кыһалҕата кыһарыйбатын туһугар,…