Утилизационнай хомууру таарыйбат 30 тимир көлө маарката ааттанна

Арассыыйаҕа ахсынньы 1 күнүттэн тас дойдуттан киллэриллэр тимир көлөҕө утилизационнай хомууру ааҕар саҥа быраабылалар күүстэригэр киирдилэр. Ол эрээри, 160 ат күүһүттэн кыра кыамталаах тимир көлөнү тус сыалга атыылаһан киллэриигэ чэпчэтиилээх тарыыптар онуннан хааллылар.

«E.N. CARS» хампаанньа дириэктэрэ Евгений Забелин Quto.ru портаалга ханнык 30 тимир көлө мааркатын кыра ыстаапканан киллэриэххэ сөбүн туһунан кэпсээтэ уонна бары ороскуоттары ааҕан, атыылаһааччыга бүтэһик сыанатын таһаарда.

Кини этэринэн, 1 800 000-тэн 2 200 000 солкуобайга диэри сыанаҕа маннык мааркалаах тимир көлөнү булуохха сөп:

• Geely Galaxy Starshine 6 (гибрид);
• Geely Coolray (кыра кроссовер);
• Chevrolet Cruze (седан);
• Hyundai Elantra (седан);
• Mazda 3 (седан);
• Volkswagen Bora (седан);
• Volkswagen Lavida (седан).

2 200 000-тан 2 700 000 солкуобайга диэри сыаналаах тимир көлөҕө 10  маарка киирэр. Ол иһигэр:

• Skoda Kamiq;
• Toyota Corolla;
• Volkswagen Tharu.

2 500 000 солкуобайга диэри бүддьүөттээх буоллахха, исписэлиис Mazda CX-30, Skoda Kamiq GT эбэтэр Geely Cityray көрөргө сүбэлиир. Оттон Nissan Qashqai, Honda XR-V уонна Toyota Corolla Cross  тимир көлөнү 2,7 мөл. солкуобай иһинэн, ону кытта Skoda Octavia лифтбэк массыынаны эмиэ атыылаһыахха сөп.

2 700 000-тан 3 000 000 солкуобайга диэри суумалаах атыылаһааччылар маннык кроссовердары талыахтарын сөп:

• Mazda CX-5;
• Skoda Karoq;
• Volkswagen T-Roc.

Бу сыанаҕа киирэр чэпчэки массыыналар: Honda Civic, Volkswagen Golf уонна Skoda Superb.

3 000 000 солкуобайтан үөһээ бүддьүөттээхтэргэ эспиэр маннык массыыналары көрөргө сүбэлиир:

• Nissan Altima (уопсайа 3 100 000 солк.);
• Audi A3 (уопсайа 3 300 000 солк.);
• Volkswagen Tayron (уопсайа 3 500 000 солк.).

Саҥа Nissan X-Trail эбэтэр элитнай Mercedes-Benz A-Class 4 000 000 солкуобайтан үөһэ сыаналаахтар. Кытайга оҥоһуллубут BMW X1 уонна Audi Q3 Sportback кроссовердар өссө ыарахан сыаналаахтар (4,4 мөл. уонна 4,7 мөл. солкуобай).