Пляжка утуйа сытар дьахтартан кыһыл көмүс браслеттарын уорбут
08.08.2024, 14:27
Мария Васильева (СИА)хаартыскаҕа түһэриитэ
Бөлөххө киир:
Жатай бөһүөлэгин олохтооҕо дьахтар кыһыл көмүс браслеттарын уорбуттарын туһунан полицияҕа үҥсүбүт. Дьахтар пляжка сынньанан баран 60 тыһ. солк. суумалаах браслеттара сүппүттэрин бэлиэтээбит.
Суһал-ирдиир тэрээһиннэр ыытылланнар, полиция үлэһиттэрэ уорбаланааччыны быһаарбыттар. Бу эрдэ сууттана сылдьыбыт 41 саастаах эр киһи эбит.
Быһаарыллыбытынан, эмсэҕэлээччи дьахтар пляжка утуйбутун туһанан илиититтэн уонна атаҕыттан уорбаланааччы эр киһи кыһыл көмүс браслеттары устан ылбыт. Киэргэллэри туттаран, ол харчытын бэйэтин наадаларыгар бараабыт.
Уоруунан холуобунай дьыала тэрилиннэ диэн ИДьМ пресс-сулууспата иһитиннэрэр.
+1
2
+1
+1
1
+1
+1
3
+1
2
+1
Сообщить об опечатке
Текст, который будет отправлен нашим редакторам: