Хаартыска: СИА
Уус Маайа улууһугар булчуттар утуйа сытар киһиэхэ саба түспүт тыатааҕыны өлөрдүлэр. Сиэмэх кыылы киһи өлүүлээх алдьархай тахсыбыт булчут үүтээнин таһыгар бултаабыттар.
Ол курдук, алтынньы 8 күнүгэр сарсыарда булчуттар Уус Маайа улууһугар 56 саастаах киһини өлөрбүт тыатааҕыны бултууру ситистилэр. СӨ Айылҕа харыстабылын министиэристибэтин булт департаменыгар иһитиннэрбиттэринэн, сиэмэх тыатааҕыны алдьархай тахсыбыт үүтээн таһыгар өлөрбүттэр.
«Тыатааҕыны киһини өлөрбүт үүтээн таһыгар бултаатылар. Адьырҕа кыылы булчут үүтээнин таһыгар мэнээктии сылдьарын булбуттар. Быһылаан буолбут миэстэтигэр инспекция салайааччыта тахсан рапорт суруйуохтаах. Кыыл тыһы эбэтэр атыыр буолара биллибэт, ол эрээри 3-4 саастааҕа сабаҕаланар», — диэн СӨ Айылҕа харыстыбалын министиэристибэтин Бултааһын уонна булт баайын харыстааһын Департаменын салайааччыта Владимир Решетников биллэрдэ.
Санатан эттэххэ, алтынньы 6 күнүгэр күнүс 14:30 чааска Уус Маайаҕа Эдьээнтэн 45 км тэйиччи Эльбэх диэн сиргэ булчуттар үүтээннэригэр Ис дьыала министиэристибэтин Уус Маайа оройуоннааҕы салаатын уонна Уус Маайатааҕы судаарыстыбаннай экологическай надзор иниспиэксийэтин үлэһиттэрэ киһи өлүгүн булбуттара. Бу туһунан Экология министиэристибэтэ иһитиннэрбитэ.
От ыйын 8 күнүгэр Дьокуускай уонна Ленскэй архиепискоба Роман Дьокуускайдааҕы епархия тылбаас отделын үлэтин мунньаҕын…
От ыйын 9 күнүгэр киэһэ хойут Саха сирин быыһааччылара тыаҕa муммут 85 саастаах киһини көрдүү…
Хаҥалас улууһун борокуратууратын бэрэбиэркэтин түмүгэр, улуус дьаһалтата бэдэрээччиккэ успуорт былаһааккатын тутууга аспаал-бетон бүрүөһүнүн тэлгээһин уонна…
От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…