Утуйа сытар убайыттан харчы уорбут

Уус Маайа улууһугар полицияҕа олохтоох киһи счетуттан харчытын уорбуттарын туһунан иһитиннэрбит. Бу туһунан СӨ ИДьМ пресс-сулууспата суруйар.

Участковай уонна холуобунай ирдэбил үлэһиттэрэ маныаха эмсэҕэлээччи 21 саастаах тастыҥ быраата уорбаланарын быһаарбыттар.

Быһаарбыттарынан, уорбаланааччы убайыгар ыалдьыттыы кэлбитэ, утуйа сытар эбит. Ону туһанан убайын төлөпүөнүттэн сим-каартатын хостоон, бэйэтин каартатын укпут. Баан сыһыарыытын хачайдаан, убайын счетуттан 19 060 солк. уорбут.

Уоруунан холуобунай дьыала тэрилиннэ.