Утуйа сыттаҕына төлөпүөнүн уорбут…
08.04.2025, 14:45
Хаартыска: Мария Васильева, СИА.
Бөлөххө киир:
Ис дьыала министиэристибэтин Хаҥалас оройуонунааҕы полиция отделын дьуһуурунай чааһыгар Покровскай — Дьокуускай хайысхатынан маршрутнай оптуобуска суотабайын уордарбыт эр киһиттэн сайабылыанньа киирбит.
Суһал-ирдиир үлэ кэмигэр уорбаланааччы ким буолара быһаарыллыбыт. Ол курдук, 40 саастаах эр киһи урукку ойоҕо эбит. Онон, суотабай төлөпүөнү хаһаайыныгар төннөрбүттэр.
Ол курдук эр киһи уолун кытта урукку ойоҕор Дьокуускайга ыалдьыттыы кэлбиттэр. Онуоха дьахтар киэһэ бары утуйбуттарын кэннэ, эр киһи хармааныттан суотабай төлөпүөнү уорбут. Быһаарбыттарынан, дьахтар урукку эрэ икки төлөпүөннээҕиттэн ордурҕаан, биир төлөнүөнүн уоран ылбыт. Итиэннэ атыылаан баран, ол харчытын бэйэтин наадатыгар туһаммыт.
Билигин дьахтарга РФ Холуобунай кодексын 158 ыст. 2 чааһынан холуобунай дьыала көбүтүлүннэ.
Сообщить об опечатке
Текст, который будет отправлен нашим редакторам: