Марта Николаева хаартыскаҕа түһэриитэ
С.А.Зверев-Кыыл Уола төрөөбүтэ 125 сыллаах үбүлүөйдээх ыһыаҕар Оһуохай күрэһэ үрдүк таһымнаахтык ыытылынна.
Манна саамай чулуу ааты ылбыт этээччилэри билсиһиннэриэм иннинэ, кинилэри үөрэппит-такайбыт, оһуохайга уһуйбут үөрэтээччилэрин билсиһиннэрэбин. Дархан этээччи аатын ылбыт Дмитрий Кондратьев Саха сирин үтүөлээх этээччитэ, улууһун тэрээһиннэригэр алгысчыт быһыытынан тахсан эрэр. Үөрэтээччитэ Лариса Николаевна Иванова өрөспүүбүлүкэҕэ киэҥник биллэр Дархан этээччи. Бэйэтэ этэрин, күрэстэргэ кыттарын таһынан элбэх үөрэнээччини оһуохайга үөрэтэ сылдьар.
Ол курдук, үөрэнээччитэ Дмитрий Кондратьев быйыл Дархан этээччи аатын Сунтаарга үбүлүөйдээх ыһыахха ылла. Ону сэргэ Дмитрий Кымыс иһиитин сиэригэр-туомугар алгысчыт быһыытынан үлэлээтэ.
Далбар кыайыылаах аатын ылбыт Александра Яковлева учуутала Саха сирин үтүөлээх этээччитэ М.П.Афанасьева буолар. Мария Афанасьева ыһыахха оҕо оһуохайын күрэхтэһиитигэр дьүүллүүр сүбэҕэ үлэлээтэ. Лариса Ивановалыын ыһыах бастакы күнүгэр Добун оһуохайга түһүлгэни төрүттээтилэр. Үөрэнээччитэ билигин Сунтаарга фольклор исписэлииһинэн үлэлии сылдьар. Онон бастыҥ этээччилэрбит удьуор утумнара салҕанар.
Марта Николаева
Хаартыскаларга ааптар түһэриилэрэ
Уус Алдаҥҥа РФ үтүөлээх уонна образцовай кэлэктиибэ, Саха хомсомуолун бириэмийэтин лауреата "Кэнчээри" оҕо ырыа-үҥкүү норуодунай…
Бэс ыйын 28-29 күннэригэр Туймаада ыһыаҕа буолаары турар. Ыһыахха бэлэмнэнии туһунан Дьокуускай куорат аҕа баһылыга…
Бильярды таптааччылар ахсааннара элбээн иһэрэ бэлиэтэнэр. Күрэхтэһиигэ оҕотуттан ытык кырдьаҕаһыгар тиийэ, оннооҕор Москваттан кытары кэлэн…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Абитуриеннарга, кинилэр төрөппүттэригэр анаан быйыл орто анал үөрэххэ туттарсыыга уонна тус сыаллаах үөрэххэ аналлаах “Учись…
Саха сиригэр сайыҥҥы сиэссийэ иитинэн бастакы демонстрационнай эксээмэннэр түмүктэрин иһитиннэрбиттэр. Түөрт устудьуон эксээмэнин 100 баалга…