Хаартыска: Туйаара Дьячковская түһэриитэ.
Кэбээйи сэлиэнньэтигэр 2023 сылтан “Надежный тыл” диэн байыаннай таҥаһы тигиигэ иистэнэр сыах утумнаахтык үлэлиир.
Салайааччылара эрчимнээх уопсастыбанньык Терехова Кландра Андреевна. Кинилэр Кэбээйигэ Дьокуускай куоракка үлэлиир “Илии сылааһа” (сал. И.Е. Саввина) иистэнэр сыах филиалын арыйбыттара. Кыраттан саҕалаан, бытовой массыынанан иистэрин саҕалаабыт буоллахтарына, билигин олохтоохтук тэринэн үлэлии-хамсыы олороллор. Ыытыллар иис күрэҕэр кыттан сайдаллар, уопутураллар.
Аҕыйах хонуктааҕыта буолбут “Стежка за стежкой, метр за метром” V өрөспүүбүлүкэтээҕи байыаннай таҥаһы тигии күрэҕэр тиийэн иистэннилэр. Эппиэттээх үлэҕэ турар таҥас быһааччы Венера Лугинова миэтирэлээх таҥастары имигэс илиитинэн быһар. Сүрүн маастар Екатерина Левина сүбэлээн-амалаан, хайысхалаан биэрэр. Хамаанда үс күн тэтимнээхтик, сүрүнэ хаачыстыбалаахтык үлэлээтэ.
Төрдүс күҥҥэ остуол оонньуутугар күрэхтэһэннэр, утарсааччыларын кыайан 1 миэстэни ылан куубак хаһаайыннара буолбуттар уонна анал бирииһи туппуттар. Киэһэ түмүккэ 11 хамаандаттан Кэбээйи сэлиэнньэтин “Надежный тыл” хамаандата III миэстэҕэ кыайыылааҕынан таҕыста, бырамыысыланнай массыынаны бэлэх ыллылар. Улуус дьаһалтатын аатыттан социальнай боппуруоска салайааччы Анна Попова 20000 солк. суумалаах сэртипикээт туттарда
“Надежный тыл” хамаанда иистэнньэҥнэрэ күрэс тэрийээччилэр сырыы аайы ыытар усулуобуйалара тупсан, ирдэбиллэрэ күүһүрэн, кыттааччылар профессиональнай таһымнара үрдээн, дьүүллүүр сүбэ сыанабыла кытаатан иһэрин бэлиэтииллэр. Уонна өрөспүүбүлүкэтээҕи күрэх тэрийээччилэригэр, улууспут салалтатыгар, нэһилиэктэрин аҕа баһылыгар Илья Иванович Левиҥҥэ махтаналлар. Өрүү күүс-көмө буолар биир дойдулаах кыыстарыгар, куратордарыгар Антонина Сметанинаҕа эдьиийдии эйэҕэс эҕэрдэлэрин “Саха сирэ” саайт нөҥүө ыыталлар. Сыыдам сырыылаах, сымнаҕас айаннаах суоппардарыгар вололнтер Михаил Даниловка, Афанасий Докторовка барҕа махталларын аныыллар.
Ираида Софронеева.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…