Уу ааллара арктическай улуустарга айаннаатылар

Ааспыт өрөбүллэргэ Өлүөнэтээҕи өрүс пароходствотын  уу ааллара өрөспүүбүлүкэ арктическай улуустарыгар таһаҕаһы тиэрдиини саҕалаатылар.

Усуйаана оройуонун Нижнеянскай сэлиэнньэтигэр «Капитан Богатырев»  уу аала 1,7 тыһыынчаттан тахса туонна таһаҕаһы аҕалла. Сотору манна кэлбит курууһу ыскылааттарга сүөкүөхтэрэ.

«Капитан Шандровскай» уу аалыгар Аллараа Халыма улууһун Зеленый Мыс нэһилиэгиттэн таас чоҕу куруустааһын барар.  Уһук Хотугу улуустар коммунальнай хаһаайыстыбаларын наадыйыыларыгар туһуламмыт 13,7 тыһ. туонна убаҕас оттук Өлүөхүмэттэн тиэйиллиэҕэ.  11 тыһыынча туонна убаҕас оттук Яна, Индигиир, Халыма өрүстэринэн айаннаан эрэр.