Уу аҕалбыт маһын хомуйаллар

Аллайыаха улууһун кытыы нэһилиэгэр Бөрөлөөххө билигин үрэх мууһа барбыт, оттон күөллэр уулла иликтэрин туһунан олохтоохтор кэпсииллэр.

Мутукча быкпыта үс хоммут, оттон талахтар иликтэр. Туундараҕа мас суох, онон муус баран бөрөлөөхтөр уу аҕалбыт маһын (сылбаҕы) хомуйаллар. Хомуйбут мастарын болуот оҥостон сайыҥҥы учаастактарыгар илдьиэхтэрэ. Бу хомуйбут мастарын сайынтан саҕалаан муус аннынан балыктааһыҥҥа тиийэ оттуохтара. Онон туһугар олус туһалаах үлэ.

Ити курдук ыраах олорор бөрөлөөхтөр олохторун-дьаһахтарын хааччыналлар.

Хаартыска: Н.Дьяконова