Салгыы
Уу Далайын сырдык тыына туохтан быстыбыта билиннэ

Уу Далайын сырдык тыына туохтан быстыбыта билиннэ

25.12.2022, 16:54
Бөлөххө киир:

Ахсынньы  25 күнүгэр Турцияҕа олорор, айылҕаттан айдарыылаах Галина Трофимова-Уу Далайа Күлүмүрдүүр  сырдык тыына быһынна. Күн бэҕэһээ социальнай ситимнэргэ суруйа, олохтон дуоһуйа, күлэ-үөрэ, сырдыгынан сыдьаайа сылдьыбыт киһи соһуччу суох буолбутугар элбэх киһи итэҕэйбэт. Туохтан маннык буолбута билиннэ…

Социальнай ситимнэргэ Уу Далайын тус ханаалыгар бииргэ төрөөбүт эдьиийэ Кристина Семенова суруйан, бу курдук иһитиннэрдэ:

Балтыбыт, кыыспыт хара санаалаах киһи илиититтэн суорума суолланна. Эрим диэн бииргэ олорбут киһитэ сырдык тыынын былдьаабыт. Өлөрүөхсүт кини төлөпүөнүн илдьэ, туох баар харчытын халаан баран, Ираҥҥа куоппут, онон ханнык да аккаунугар киирэр кыахпыт суох. Тус ханаалыгар туох эмит диэн саҥа пост таҕыстаҕына, итэҕэйимэҥ, төлөпүөнэ ол киһи илиитигэр баар. Соһуччута бэрт буолан, ким да итэҕэйиэн баҕарбат… Стамбултан аҕаларбытыгар үп-харчы наада буолан, ким төһө кыахтааҕынан көмөлөһөргүтүгэр көрдөһөбүт…

Уу Далайа Үөһээ Бүлүүттэн төрүттээх, английскай тыл учууталынан үлэлээбитэ, кэнники сылларга Москваҕа, онтон Стамбулга көһөн олорбута. Аар Саарын ойууҥҥа уһуйуллан, айылҕаттан айдарыыта арыллан, удаҕан буолара биллэн, дүҥүрдэнэн, элбэх киһилээх алгыстары, медитациялары ыытара, сахаларга улахан ойууннар илдьиттэрин тиэрдэрэ, «Базцы» үөрэҕэр үөрэтэрэ. Элбэх киһиэхэ көмөлөспүтэ. Куруук үөрэ-көтө, сырдыгынан эрэ сыдьаайа сылдьар, үтүөҕэ тардыһыылаах киһи этэ. Икки кыра оҕото тулаайах хааллылар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 июня
  • 16°C
  • Ощущается: 15°Влажность: 67% Скорость ветра: 2 м/с

Сообщить об опечатке

Текст, который будет отправлен нашим редакторам: