Хаартыска: Арассыыйа ЫБМ министиэристибэтин Саха сиринээҕи пресс-сулууспата
Өрөспүүбүлүкэҕэ “Куттала суох муус” биэдэмистибэлэр икки ардыларынааҕы сэрэтэр аахсыйа төрдүс түһүмэҕэ саҕаланна.
Аахсыйа уу эбийиэктэрин уонна мууһунан туоруур сирдэри ураты хонтуруолга ыларга, быһылааннары туоратарга уонна нэһилиэнньэҕэ муустан сэрэхтээх буолары иһитиннэриигэ туһуланар. Бу туһунан Арассыыйа ЫБМ министиэристибэтин Саха сиринээҕи пресс-сулууспата иһитиннэрэр.
Аахсыйа өрөспүүбүлүкэ сирин-уотун барытын хабан, 170-тан тахса патрульнай бөлөҕү тэрийбит 500-тэн тахса киһи кытынна. Сүрүн болҕомто тиэхиньикэ мууһунан көҥүлэ суох айанныыр сирдэригэр, мууһунан туоруур сирдэргэ, ону тэҥэ муус аннынан балыктыыр уонна муус ылар дьоҥҥо уурулунна.
“Тэрээһин кэмигэр патруллуур-сэрэтэр бөлөхтөр нэһилиэнньэни кытта кэпсэтиини ыыталлар, мууска куттал суох сылдьыыны ыйаллар-кэрдэллэр, ону таһынан уу эбийиэктэрин кэтээн көрөллөр, муус халыҥын кээмэйдииллэр. Иниспиэктэрдэр ураты болҕомтолорун тиэхиньикэ мууһунан көҥүлэ суох айанныыр сирдэригэр, элбэх буолан балыктыыр сирдэргэ, нэһилиэнньэлээх пууннар аттыларыгар баар уу эбийиэктэригэр уураллар», — диэн бэлиэтээтэ СӨ дьоҕус суудуналарын сүрүн судаарыстыбаннай иниспиэктэрдэрэ Аурика Смирнова.
Улахан болҕомто оҕо куттала суох буолуутугар ууруллар: үөрэх кыһаларыгар Арассыыйа Ыксаллаах быһыыга-майгыга министиэристибэтин үлэһиттэрэ мууска сэрэхтээх буолуу быраабылаларын кэпсииллэр. ГИМС иниспиэктэрдэрэ, быыһааччылар уонна баһаарынайдар оҕолорго халыҥ муус хайдаҕын быһаараллар, муус анныгар түспүт киһиэхэ хайдах сөптөөхтүк көмөлөһөргө уонна бэйэҥ ууга түспүт буоллаххына тугу гыныахха сөбүн көрдөрөллөр.
Санатан эттэххэ, өрөспүүбүлүкэҕэ 46 мууһунан сылдьар айан суола аһаҕас. Мууһунан көҥүлэ суох айаннаатахха 3000-тан 1 мөлүйүөн солкуобайга диэри ыстарааптаах административнай эппиэтинэһи сүгэҕин.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…