Бүгүн, ахсынньы 14 күнүгэр, Дьокуускай куоракка Өлүөнэ тардыытынааҕы уу салалтатыгар уочараттаах Өлүөнэ тардыытынааҕы уокурук Бассыайынын сүбэтэ буолан ааста.
Өлүөнэ тардыытын уокуругар – Өлүөнэ, Анаабыр, Өлөөн, Яна, Индигиирка, Алазея өрүстэрэ киирэллэр. Мунньах сыалынан-соругунан уокурук кыраныыссаларыгар сытар уу эбийиэктэрин туһаныыга уонна харыстааһыҥҥа эрэкэмэндээссийэ оҥоруу буолар.
Бассыайын сүбэтигэр Саха Өрөспүүбүлүкэтин ситэриилээх былааһын федеральнай уорганнарын салайааччылара уонна исписэлиистэрэ: СӨ Нэһилиэнньэ олоҕор куттал суох буолуутун хааччыйар судаарыстыбаннай кэмитиэт, СӨ Айылҕа харыстабылын министиэристибэтин ууга сыһыаннаһыыларга уонна экологическай сырдатыыга департамена, СӨ Тырааныспарын уонна суолун хаһаайыстыбатын министиэристибэтэ, ОДьКХ министиэристибэтэ, Амур уонна Иркутскай уобалас ситэриилээх былааһын федеральнай уорганнарын, «Якутскэнерго» АХ, «Водоканал» АХ, «АЛРОСА» АХ бэрэстэбиитэллэрэ кытыннылар.
Сүбэ мунньахха 2023 сылга «Центррегионводхоз» ФГБВУ «Ленарегионводхоз» филиала мууһу кэбирэтии уонна эрбээһин үлэлэригэр ыытар тэрээһиннэрин бырайыагын көмүскээһин түмүгэ ырытылынна. Итиэннэ кэлэр 2023 с уонна 2024-2025 сс. РФ субъектарын бүддьүөтүгэр субсидия уонна субвенция быһыытынан бэриллэр тус сыаллаах көрдөрүүнү ситиһэргэ туһуламмыт федеральнай бүддьүөттэн бэриллэр үп бырайыагын көмүскээһин түмүгэ көрүлүннэ.
Онно эбии Дьокуускай куорат водозаборун үлэтин тохтоло суох хааччыйарга анаан хапытаалынай тутуу уонна гидротехническай тутуулары өрөмүөннээһин итиэннэ сааскы халаан уутун кэмигэр нэһилиэнньэ куттала суох буолуутун хааччыйыы боппуруостара көрүлүннүлэр.
Мунньах түмүгүнэн Өлүөнэ тардыытынааҕы уокурук субъектарын ситэриилээх былааһын уорганнарыгар уу эбийиэктэрин туһаныыны уонна харыстааһыны хааччыйар сыалтан эрэкэмэндээссийэ оҥоһулунна.
Эйэ былаанын уонна Трамп саҥа куттала суох буолуу тосхолун политолог Чокуур Гаврильев ырытар.
Дьокуускай куораттааҕы суут 2005 сыллаах төрүөх халааһыҥҥа уорбаланар үс уолу сууттаата. Уолаттар 2025 сыл ыам…
Арассыыйа Бэрэсидьиэнэ Владимир Путин быһаарыытынан элбэх оҕолоох ыаллар өссө элбэх өйөбүлү ыллылар. 2026 сылга дьиэ…
Үлэни биэрээччи үлэһитигэр оҕолонноҕуна НДФЛ-а уонна страховой усунуоһа суох, тохсунньу 1 күнүттэн төлөбүрэ 1 мөлүйүөн…
Саҥа дьыл иннинэ түөкүттэр эмиэ үөмэхтэһэ түстүлэр. MWS Cloud информационнай куттал суох буолуутун сүрүн эспиэрэ…
Бүгүн Саха Өрөспүүбүлүкэтин физическэй култуураҕа уонна успуорка миниистирэ Леонид Спиридонов “Земскэй тириэньэр” бырагыраама бастакы кыттыылаахтарын …