сахагов
От ыйын 19 күнүгэр өрөспүүбүлүкэ Бырабыыталыстыбатын Бэрэссэдээтэлэ Кирилл Бычков халаан содулуттан сибээстээн ылыллар миэрэлэргэ мунньах ыытта. Баар балаһыанньа туһунан тустаах улуустар баһылыктара иһитиннэрдилэр.
Олохтоох салайыныы уорганнарын иһитиннэриилэринэн, от ыйын 19 күнүгэр 8.00 чааска Индигиир эбэҕэ Өймөкөөн, Абый оройуоннарыгар 92 дьиэ ууга сытар, итинтэн Өймөкөөҥҥө – 87, Кэбэргэнэҕэ – 5.
Быстах олордор 13 пууҥҥа бүгүҥҥү туругунан 37 киһи олорор, 52 киһи аймахтарынан тарҕаспыттар. 4 туоннаттан тахса таһаҕас тиэрдиллибит.
Үөскээбит балаһыанньаны Саха сирин Бырабыыталыстыбата хонтуруолга тутар. Билигин сытыы балаһыанньа Өймөкөөн сэлиэнньэлэригэр бэлиэтэнэр эрээри, уу сыыйа түһэр.
Өймөкөөн оройуонугар РСЧС суһал бөлөҕүн 13 киһитэ үлэлиир. Уопсайа 264 киһи уонна 79 тиэхиньикэ содулу туоратыһар.
Бырабыыталыстыба бэрэссэдээтэлин бастакы солбуйааччы Дмитрий Садовников дьону материальнай көмө кээмэйэ уонна бэрээдэгэ интэриэһиргэтэрин эттэ. СӨ Бырабыыталыстыбатын уурааҕынан дьоҥҥо биир кэмнээх көмө төлөнүөҕэ, ону тэҥэ хапытаалынай өрөмүөн уонна баайы-дуолу толору сүтэрии иһин толуйуллуо.
“Уу олоччу түстэ даҕаны чөлүгэр түһэрэр үлэлэр саҕаланыахтара”, — диэтэ мунньахха бырабыыталыстыба бэрэссэдээтэлэ Кирилл Бычков. Кирилл Бычков бэлиэтээбитинэн, оройуоннар сайаапкаларынан оҕолору улуус тас өттүнээҕи лааҕырдарга сынньатыахтара.
2025 сыл от ыйын 18 күнүгэр Саха Өрөспүүбүлүкэтин Ил Дархана Айсен Николаев “О введении режима чрезвычайной ситуации регионального характера на территории Республики Саха (Якутия)” Ыйаахха илии баттаабыта. Онно олоҕуран от ыйын 18 күнүттэн эрэгийиэн көрүҥнээх ыксалаах быһыы-майгы эрэсиимэ “Сордоҥноох национальнай нэһилиэгэр”, “Бороҕон 2-с нэһилиэгэр”, “Өймөкөөн Тымныы Полюһугар”, “Төрүт нэһилиэгэр”, “Уус Ньара бөһүөлэгэ” куорат поселениетыгар, Абый улууһун “Майыар национальнай нэһилиэгэ” тыа сирин поселениетыгар биллэриллибитэ.
СӨ Ил Дарханын уонна Бырабыыталыстыбатын пресс-сулууспата
Сиһилии: https://www.sakha.gov.ru/news/8577
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…