Уу — олох алыптаах утаҕа

Бүгүн Н.Д. Неустроев аатынан SMART-бибилэтиэкэҕэ экофентези жанрынан суруллубут кинигэ сиэрийэлэрин ааптара, эколог-уопсастыбанньык, Саха сиригэр дьахталлар хамсааһыннарын сойууһун чилиэнэ, Арктическай оскуола педагога Анастасия Дарбасова-Данилова «Уу — олох алыптаах утаҕа» кинигэтин биһирэмэ буолла. 

Анастасия Дарбасова-Данилова оҕолорго аналлаах кинигэлэрин сиэрийэлэрэ айылҕаны кытары алтыһарга, тулалыыр эйгэ кэрэтин болҕойон көрөргө, харыстыырга үөрэтэр аналлаахтар.

Бу иннинэ ааптар «Кытархай хопто мүлчүргэннээх сырыылара уонна кини доҕотторо» трилогияны суруйан, бэчээттэтэн таһаарбыта. Оттон бу иккис тома биһиги баар-суох баайбытыгар — ууга ананна.

Тэрээһин СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтэ сыл аайы ыытар «Айылҕа уонна биһиги» өрөспүүбүлүкэтээҕи экологическай аахсыйа чэрчитинэн барда.