Уу улахан буолан, балык биллэ илик

Аллайыаха улууһугар “Русскай Устье”, “Аллайыаха”, “Ойоотун”, “Инди”, “Эйвни” общиналар уонна Бережнов С.В., Пономарева З.Т. биирдэм урбаанньыттар балыктааһынынан дьарыктаналлар.

Билиҥҥи туругунан уу улахан буолан, балык биллэ илик диэн балыксыттар этэллэр. Уу түспэккэ турар.

Ол да буоллар, Балыксыт күнүн көрсө ”Инди” этно-култуура киинэ балыксыттары ырыанан-тойугунан эҕэрдэлээбитэ, кинилэргэ эбэлэриттэн үгүөрү балыгы сомсоллоругар баҕарбыта.  Онно үгүс киһи үөрэ-көтө кэнсиэри көрбүтэ.