Ууга барбыт улуустарга балаһыанньа судургута суох

Ууга барбыт улуустарга балаһыанньа судургута суох.

Бу туһунан Ил Дархан А.Николаев тг-ханаалыгар суруйар. Кини суһал иһитиннэриилэри ууга барбыт сирдэргэ миэстэтигэр олорор салайааччылартан уонна профильнай сулууспалартан ыла олоробун диэн суруйар.

Мин сорудахпынан Өймөкөөҥҥө СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников салайааччылаах оробуочай бөлөх барбыта. Онно миэстэтигэр хоромньуну аҕаллар, сыаналыыллар, көмөлөһөллөр уонна дьоҥҥо уустук кэмҥэ аттыларыгар баар буолаллар.

Муома, Томпо, Абый улуустарыгар эмиэ туох баар күүс, наадалаах тиэхиньикэ үлэлиир, көмөлөһөр. Быстах кэмҥэ олорор пууннар үлэлииллэр, уматык, ас-үөл, эмп-томп барыта бэлэмнэниллибит.

Миэстэтигэр МЧС уонна СӨ быыһыыр сулууспатын быыһааччылара үлэлииллэр. Эмсэҕэлээбит улуустарга көмөҕө эбии күүстэр бардылар, нэһилиэнньэни хааччыйарга таһаҕас тиэрдилиннэ.

Уу таһыма түһэн бардаҕына, бөлөх хоромньуну сыаналааһыҥҥа үлэлээбитинэн барыаҕа. Ким да көмөтө, өйөбүлэ суох хаалыа суоҕа диэн суруйар Ил Дархан А.Николаев тг-ханаалыгар.

t.me/aisen_nikolaev