Хаартыска: Людмила Попова.
Бу күннэргэ халаан уутуттан эмсэҕэлээн, сорох улуустарга ыксаллаах быһыы-майгы эрэсиимэ биллэриллибитэ. Оттон эксээмэннэр ыам ыйын 21 күнүттэн номнуо саҕаланаллар.
Ууга былдьаммыт нэһилиэктэр оҕолоро эксээмэни туттарыыларын туһунан ыйыталаспыппытыгар, сааскы халаан уутун уустук кэмигэр Ил Дархан, улуус уонна куорат уокуруктарын баһылыктара судаарыстыбаннай түмүктүүр аттестациялар (эксээмэн) боппуруостарын ураты хонтуруолга туталлар диэн Үөрэх уонна билим министиэристибэтигэр иһитиннэрдилэр.
“Саха Өрөспүүбүлүкэтигэр биир кэлим эксээмэни уонна сүрүн судаарыстыбаннай эксээмэҥҥэ бэлэмнэниини тэрийиигэ уонна ыытыыга, СӨ Бырабыыталыстыбатыгар биэдэмистибэлэр икки ардыларынааҕы хамыыһыйа үлэлиир. Биэдэмистибэлэр икки ардыларынааҕы хамыыһыйа ыстааба туох эмэ ыстааты таһынааҕы түгэн үөскээтэҕинэ суһаллык дьаһанар.
Ууга барыан сөптөөх эксээмэн ыытыллар пууннаах бары улуустарга эрэсиэрбэ былааннар толкуйдаммыттара: ыксаллаах түгэн таҕыстаҕына эксээмэн ыытар пууну көһөрөр, үлэни ыытар миэстэлэр быһаарыллыбыттара, бэлэмнэммиттэрэ. Эксээмэн ыытар пууну көһөрүүгэ сыһыарыллыбыт дьоҥҥо туһааннаах ыйар-кэрдэр үлэ барбыта.
Үс сэлиэнньэ ууга барбыт Өлүөхүмэ улууһугар халаан уустук балаһыанньата ааста. 476 №-дээх эксээмэн тутар пуун ууга барар кутталлааҕа. Билиҥҥитэ уу түстэ, куттал ааста, ыам ыйын 15 күнүгэр биир кэлим эксээмэн ыытыллыытыгар Бүтүн Арассыыйатааҕы технологияны тургутан көрүүгэ кыттар.
Ыам ыйын 15 күнүгэр Үөһээ Бүлүү улууһун Хоро сэлиэнньэтигэр халаан уутунан сибээстээн, ыксаллаах быһыы биллэриллибитэ, онно 279 №-дээх эксээмэн тутар пуун баар. Уу критическэй таһымҥа тахсар түгэнигэр, эксээмэн тутар пууну эрдэттэн толкуйдаммыт эрэсиэрбэ схемаҕа олоҕуран, атын сиргэ көһөрөр туһунан быһаарыы ылыныллыаҕа.
Онтон атын эксээмэн ыытыллар пууннарын кыраҕытык кэтээн олоробут” – диэн Үөрэх уонна билим миниистирин бастакы солбуйааччы Алевтина Аргунова быһаарда.
Саҥа дьыл бырааһынньыгын көрсө, Дьокуускай куорат биир биллиилээх эрэстэрээн үгэс буолбут «Саҕынньахтаах селедка» салааты саха…
Омугуттан тутулуга суох бэйэ төрөөбүт тылын билии — олох сүрүн ирдэбилэ. Ааһа баран, элбэх тылы…
Өрөбүл сарсыарда Дьокуускайга Каландаришвили уулуссаҕа турар икки этээстээх олорор дьиэҕэ баһаар тахсыбыт. Быһылаан тахсыбыт сириттэн…
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ саһарар уонна түһэр диэн «Ученый агроном» ханаал ааптара суруйар.…
Айсен Николаев Саха Өрөспүүбүлүкэтин Бастакы Бэрэсидьиэнин оскуолаларын ситимин сайыннарыы боппуруостарыгар мунньах ыытта. Көрсүһүүгэ бэрэсидьиэн оскуолаларын…
Кэлэн иһэр саргылаах Саҥа дьылы көрсө Үрүҥ Айыы сылынан (Кытай халандаарынан – Кыһыл ат сыла)…