Н.Васильева ыытта
Аҕыйах хонуктааҕыта “Саха “НКИК “Эйгэ” биэриитигэр Хамсаабат баай-дуол тэрилтэтин салайааччыта Олег Пермяков кытынна.
Кини Уһук Илиҥҥи гектары ким ылыан сөбүй? — диэн ыйытыыга маннык хоруйдаата:
— Билэргит курдук, Уһук Илиҥҥи гектар 2016 с. үлэлиир. Онно бастаан саҕаланарыгар Уһук Илин олохтоохторо туһаналлар диэн этэ. Онтон 2017 с. Арассыыйа ханнык баҕарар олохтооҕо Камчаткаҕа, Владивостокка да буоллун, сир ылар кыахтаммыта. Саха сирин олохтоохторо Саха сиригэр ыла сатыыллар. Үгүстэр өбүгэлэрин сирин ылыахтарын баҕаралларын этэллэр. Биир киһиэхэ 1 гектар диэн эбэтэр кэлэктиибинэй диэн 10 гектарга диэри ылыахха сөп. Эбэтэр 14-тэн үөһээ саастаах пааспардаах оҕолор «Госуслуги» портал нөҥүө ылар эмиэ бырааптаахтар. НаДальнийвосток.рф саайка киирэргэ госуслугаҕыт паролунан киирэргит табыгастаах. Билигин ыарахана диэн каартата эрэйдээх соҕус курдук, сааҥсыйаларынан оннук буолла быһыылаах. Уһук Илиҥҥи гектары ылыан баҕарар киһи, бастатан туран, туох сыаллаах ыларын чуолкайдык билиэхтээх. Ким эрэ бултуур сиригэр үүтээн туттуон, ким эрэ оттуон, ким эрэ маҕаһыын арыйыан баҕарар… Тыа хаһаайыстыбатыгар оҕуруот олордуохтарын баҕараллар.
Бу Уһук Илиҥҥи ипотека, Ийэ хапытаалын курдук судаарыстыба өттүттэн бэриллэр кыаҕы туһаныахха дии саныыбын. Элбэх киһи өрүс кытыытыгар гектар көрдүүр эрээри, итилэр – өрүс, үрэх кытыллара сабыылаахтар. Дьиҥэр, сөпкө да саппыттар дии саныыбын. Саас уу кэлиитигэр ити үрэх кытыылара ууга бараллар. Уопсайынан, гектар туттуллар ньымата олус киэҥ.
Онон олус туһалаах биэрии буолла.
Байыаннай дьайыы саҕаланыаҕыттан амарах санаалаах дьон, волонтердар күүс-көмө буолаллар, үгүстэрэ бэйэлэрин сүрүн үлэлэрин таһынан. Госпиталларга…
Өлүөнэ эбэ мууһа Кэбээйи, Нам, Уус Алдан улуустарынан устар. Нам улууһун сиригэр-уотугар 08:00 ч. иһитиннэриинэн,…
Нам улууһугар сааскы халаан уутуттан эмсэҕэлээбит нэһилиэнньэлээх пууннарга уу таһымын туһунан улуус дьаһалтатын пресс-сулууспата иһитиннэрэр.…
Улуу Кыайыы 79 сылынан Уус Алдан улууһун Суотту нэһилиэгэ ытык кырдьаҕастарыгар ас-үөл наборун туттарда. Ону…
Тыа хаһаайыстыбатыгар үүт туттарыы – тыын боппуруос. Үүт туттарыллан үрүҥ-ас дэлэйэр, олохтоох аспытын-үөлбүтүн аһыыбыт, дьон…
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…