Саас, күһүн кыратык ардаата, хаар уулунна да, куораппыт ууга устар. Билигин балаһыанньа хайдаҕын билээри, илэ харахпынан көрөөрү, куораппыт араас уулуссаларынан айаннаан чалбаҕы ортотунан аастым.
Ол курдук, сорох кытыы уулуссаларга массыына аҕыйахтык сылдьар буолан чалбах улаханнык тахсыбатах, оттон куораппыт киин уулуссаларын устун улахан, кыра чалбахтар сүүрүгүрэ сыталлар. Тротуар устун хаамар дьон чалбаҕынан ыстарымаары туора куотан биэрээхтииллэр. Халыҥ хаарбыт уута уулла-уулла тыраассаҕа килэйбит, уу түһэр лотуоктара суох буолан куораппыт кирэ-хоҕо, уута-хаара барыта бычалыйан тахсан бөрүкүтэ суох көстүүлэммит.
Мин Автодорожнай уулусса устунан айаннаан иһэн көрдөхпүнэ, тула барыта чалбах. Оҥхойдордоох сирдэр чалбаҕынан туолан ханан аппа-дьаппа баарын билиннэрбэттэр. Автодорожнай уокурук ОДьКХ боппуруостарыгар салайааччыны солбуйааччы Станислав Федоровтыын кэпсэттим:
— Быйыл олус элбэх хаар түстэ, билигин да түһэр. Онон түспүт хаар барыта ууллан чалбахха кубулуйар. Биһиги уокурукпут быраабатыгар киирбит сайаапкаларынан толору үлэлии олоробут. Бэлиэтээн эттэххэ, бу үлэни МУП «Жилкомсервис» толоро сылдьар. Ол курдук, ууну хачайдааһыҥҥа чуолаан, уу түһэр лотуоктара суох сирдэргэ ууну оботторор тиэхиньикэлэр киирбит сайаапкаларынан үлэлии сылдьаллар. Бүгүҥҥү күҥҥэ ууну оботторууга сайаапкаларынан үс массыына үлэлиир. Ону сэргэ, уокурукпут салайар хампаанньаларын нөҥүө олохтоохтортон киирбит сайаапкаларынан ууну хачайдыыр носуостары, помпалары туруортаабыппыт. Бүгүҥҥү күҥҥэ Аппа уҥуор (Залог), Покровскайдыыр суол оройуоннарыттан сайаапкалар киирбиттэрэ. Маны таһынан олохтоохтор сайаапканы биир кэлим диспиэччэрскэй сулууспа нөҥүө эмиэ түһэрэллэр. Ууну оботторор тиэхиньикэлэр түүннэри-күнүстэри үлэлииллэр.
Бырабыыталыстыба бэрэссэдээтэлин солбуйааччы Георгий Степанов Дьокуускайга В.П. Решетников аатынан кырдьаҕастар, инбэлииттэр олорор интэринээт-дьиэлэригэр уонна анал…
Дьокуускай куорат Борокуратуурата Арассыыйа ИДьМ “Дьокуускайдааҕы” СУ МУ РФ ХК 159 ыст. 4 ч. көбүппүт…
Кэнники кэмҥэ оҕолор түмсэн оонньообот буоллулар, үксүгэр төлөпүөнүнэн эрэ оонньууллар. Оттон элбэх буолан, сүүрэн-көтөн оонньооһун…
Бүгүҥҥүттэн М.К.Аммосов аатынан Хотугулуу-Илиҥҥи федеральнай университет Арассыыйа Хотугулуу-Илиҥҥи норуоттарын тылларын уонна култуураларын үнүстүүтүгэр “Саха тыла…
Кэбээйи оройуонун борокуратуурата олохтоох дьахтарга сыһыаннаах судаарыстыбаннай буруйдааһыны өйөөтө. Кини РФ ХК 160 ыст. 3…
Саха сирин тоһуттар тымныыта сүрүннээн ахсынньы-тохсунньу ыйдарга түһэр. Дьон тымныы кэмҥэ дьиэтигэр олороору, Саҥа дьыллааҕы…