Уулаах отон атыылыыр түөкүннэртэн сэрэниҥ!

Дьокуускай куорат олохтооҕо полицияҕа харчытын уордарбытын туһунан сайабылыанньа суруйбут. Дьахтар мессенджеpгэ 12 л. уулаах отону 3 500 солкуобайга атыылыылларын туһунан биллэриини булбут. Атыыһыты кытта суруйсан, харчытын аҥаарын эрдэттэн төлүүргэ уонна курьерынан тиксэрэн биэрэригэр кэпсэппиттэр.

Ол эрээри, атыыласпыт отонун туппатах, оттон атыыһыта сибээскэ тахсыбат буолбут. Полиция үлэһиттэрэ уорбаланааччыны – Дьокуускай куорат 38 саастаах олохтооҕун туппуттар, диэн ИДьМ пресс-сулууспата иһитиннэрэр. РФ ХК 159-с ыстатыйатын 1-кы чааһынан («Түөкүннээһин») холуобунай дьыала тэриллибит. Буруйа дакаастаннаҕына, дьахтар 2 сылга диэри көҥүлэ быһыллыан сөп.