Уулусса уоруйаҕын туттулар

ИДьМ сулууспатын Дьокуускай куорат полициятын дьуһуурунай чааһыгар үҥсүү киирбит.

Хабаров уулуссатыгар баар дьиэлэртэн биирдэстэрин таһыгар эр киһи аһаҕастык көрдөрөн туран, үрүсээги уонна бэлэсипиэти уорбут. Үрүсээк иһигэр эмсэҕэлээччи пааспара уонна харчыта баар эбит.

Полицияҕа үҥсүү киирээтин кытта, уорбаланааччыны суһаллык көрдөөһүн үлэтэ саҕаламмыт. Сотору кэминэн «Росгвардия» үлэһиттэрэ Халтурин аатынан уулуссаҕа уорбаланааччыны туппуттар. Бу иннинэ «Росгвардия» массыынатын көрөн  уорбаланааччы куота сатаабыт.  Ол курдук, уорууга уорбаланааччы 44 саастаах, эрдэ уорууга түбэһэн сууттана сылдьыбыт эр киһи буолара биллибит. Эр киһини полиция салаатыгар аҕалбыттар, «уоруллубут мал-сал хаһаайыныгар төнөрүллүбүтэ» диэн биэдэмэстибэ пресс-сулууспата иһитиннэрэр.