Уулусса уоруйахтарын туттулар

Полиция салаатыгар Дьокуускай куорат 20 саастаах олохтооҕуттан тыллабыр киирбит.

Ол кудук, Курашов уулуссатын таһынааҕы «Китагава» кафе таһыгар киниттэн үс эдэр дьон күүстэринэн мордьойон туран харыга кэтэр чаһытын уонна ону ииттэрэр тэрилин былдьаабыттар. Ити кэнниттэн ол дьон Поярков уулуссатын диэки барбыттар. Эдэр киһи полицияҕа тыллыырын кытта Росгвардия үлэһиттэрэ уорбаланар үс эдэр киһини туппуттар. Росгвардия үлэһиттэрин көрөөт кинилэр куота, саһа сатаабыттар. Уорбаланар дьону полиция салаатыгар аҕалбыттар. Дьыала салҕанарын туһунан СӨ Росгвардия Управлениетын пресс-сулууспата иһитиннэрэр.