Уулусса уутун оборторууга рекорд олохтонно

Ааспыт сууккаҕа, муус устар 22 күнүгэр, Дьокуускайга уулусса уутун оборторууга рекорд олохтоотулар. Барыта 24 тиэхиньикэ, ол иһигэр  «Жилкомсервис» 15 массыыната 3582 кубометр ууну обортордулар.  Бу туһунан Дьокуускай куорат дьаһалтата иһитиннэрэр.

Быйыл саас уу элбэх. Дьиҥэ, куорат киинигэр хаар ууллан бүппүтэ. Ол эрээри, чалбаҕы куурдан баран, хос-хос халыҥ хаарынан үллүктүүр. Куорат кытыытынан улахан, дириҥ чалбахтар элбэхтэр. Онон сааскыттан саҕалаан, куоракка  барыта 21 тыһыынча кубометр ууну обортордулар.

Муус устар 23 күнүгэр сарсыардаттан баһылыгы куорат хаһаайыстыбатыгар солбуйааччы Владислав Слепцов уу мустар кыһалҕалаах сирдэрин кэрийдэ. Промышленнай уонна Сайсары уокуруктарыгар олорор дьиэлэргэ уу киирэр кутталлаах.

Маннык кыһалҕалаах сирдэргэ помпанан ууну оборторууга түүннэри үлэлээтилэр. Онон билиҥҥитэ ууга барбыт дьиэ суох. Үлэ күнүстэри-түүннэри күүскэ ыытыллар.