Хаартыска уонна видео - Елена Потоцкая.
«Азия оҕолоро» спортивнай оонньуулар кэмнэригэр Дьокуускай куорат киин болуоссаттарыгар араас дьону сэргэхситэр тэрээһиннэр буолан аастылар.
Биир оннук ыччаты түмпүт тэрээһининэн «Уулусса үҥкүүтүнэн» биллэр «брейк-данс» көрүҥэ буолар. Бу үҥкүү бэйэтин кэмигэр үс долгунунан аатыра сылдьыбыта: бастакы — 1986—1988, иккис — 1998—2002 уонна 2008 — күн бүгүҥҥэ диэри. Доҕордоһуу болуоссатыгар буолбут брейк-данс күрэһэр хас да оскуола-хамаанда кыттыыны ыллылар.
Кэрэхсэбиллээҕэ баар, кыргыттар эмиэ бу көрүҥүнэн дьарыктаналлар эбит.
Бу тэрээһини араас көлүөнэ дьон интэриэһиргээн көрдүлэр.
Кэбээйи улууһуттан уоппускатыгар кэлбит нуучча тылын учуутала Дарья Мартынова ааһан иһэн дьон мустан турарыгар кэлбит уонна бу тэрээһини бүтүөр диэри көрдө. Кини санаата маннык буолла:
Брейк-данс үҥкүүгэ оскуола оҕолоро эмиэ кытыннылар. Субу-субу «Күөрчэх» диэн хос ааттаах уол тахсан күрэстэспитин көрөн, кинини булан кэпсэтэргэ сананным. Күөрчэх санаатын маннык үллэһиннэ:
Күөрчэх тириэньэрэ Күн Күүрэй күөн күрэскэ хаста да кыттыыны ылла. Киниттэн интервью ылаары балачча өр кэтэстим. Киһим — үҥкүүлээн элээрдии!
Үҥкүүлээн бүтээтин кытта, дьэ кэпсэттибит.
Уулусса үҥкүүтүн 90-с сыллар бүтүүлэригэр Дьокуускайга ааттаах-суоллаах брейк-данс хоруолунан биллибит Иван Степанов дьүүллээтэ. Кини санаатын истиэҕиҥ.
Иван Степанов кыайыылаахтары маннык тала олордо.
Дьэ, уонна түмүккэ Москваттан кэлбит бочуоттаах ыалдьыт —«Азия оҕолоругар» брей-кинг успуордун тиэхиньиичэскэй дэлэгээтэ Дмитрий Ромашко санаатын кытта билистим. Кини бэйэтин суотабайыгар күрэстэһээччилэри уста олордо:
Дьэ, ити курдук, «Азия оҕолоро» оонньуулара брейк-данс күрэһин кыттыылаахтарын эрэ буолбакка, интэриэһиргээн көрбүт дьону барыларын сэргэхситтэ.
Өлүөхүмэ улууһун 1-Нөөрүктээйи кыраайы үөрэтэр түмэлин салайааччыта, уопсастыбаннай кэрэспэдьиэммит Александр Филиппов-Бири Өлүөнэ өрүс пааматынньыга бу…
От ыйыгар сулустар тапталга, доҕордоһууга сыһыаннаах гороскуопка тугу кэпсииллэрий? Хой Ый саҥата саҥа билсиһии буолара…
Ааспыт сууккаҕа Ленскэй оройуонугар биир ойуур баһаара умуруоруллубут. Бүгүҥҥү иһитиннэриинэн, суукка саҕаланыытыгар, өрөспүүбүлүкэ сиригэр-уотугар ойуур…
Уус Алдан улууһугар Суотту нэһилиэгин Хоноҕордооҕу "Түһүлгэ" СК "Алыптаах аартыктары арыйан..." сылаас тыыннаах олус истиҥ…
ЫБММ үлэһитэ эдэр дьахтары эчэппит уонна кини сокуоннай сааһын ситэ илик балтыгар сыстаҥнаабыт. Бу туһунан…
Айылҕаҕа, тыаҕа сырыттахха олоххо киһи үөйбэтэх өттө ардыгар буолуон сөп. Мантан сайын сир аһын кэмигэр…