Уулуссаҕа билсээт, арыгылыы ыҥырбыт уонна киэргэлин уордарбыт

ИДьМ Дьокуускайдааҕы полиция отделын дьуһуурунай чааһыгар 26 тыһ.солк. суумалаах кыһыл көмүс сыапачыканы уордарбытын туһунан дьахтар сайабылыанньа суруйбут. Бу туһунан СӨ ИДьМ пресс-сулууспата иһитиннэрэр.

Суһал-ирдиир тэрээһиннэр кэнниттэн холуобунай ирдэбил үлэһиттэрэ Үөһээ Бүлүүттэн төрүттээх 35 саастаах киһи уорбаланарын быһаарбыттар.

Быһаарыллыбытынан, эмсэҕэлээччи уонна уорбаланааччы уулуссаҕа билсибиттэр. Дьахтар саҥа билсибит киһитин дьиэтигэр арыгы иһэ ыҥырбыт. Сарсыҥҥы күнүгэр дьахтар утуйа сыттаҕына, эр киһи туумбаттан сыапачыканы уоран баран дьиэттэн тахсан барбыт. Ол кэнниттэн киэргэли ломбардка туттарбыт, харчытын бэйэтин наадаларыгар бараабыт.

«Уоруу» диэн ыстатыйанан холуобунай дьыала тэрилиннэ.