Хаартыска: А.Ноговицына
Быйыл атырдьах ыйын 1 күнүгэр ыытыллыбыт «Саха сирин киин куоратыгар тыл-өс эйгэтэ» төгүрүк остуол чэрчитинэн, Дьокуускай куорат дьаһалтата уонна «Саха тыла 400» уопсастыбаннай түмсүү актыбыыстара Ойуунускай уулуссатыгар аадырыһы ыйар бэлиэ суругу икки судаарыстыбаннай тылынан суруйан ыйыыр үлэни ыыталлар.
Бу бырайыак Дьокуускай дьаһалтатын куораты тутууга департаменын кылаабынай архитектора С.А. Сергеев салалтатынан уонна «Саха тыла 400» түмсүү чилиэннэрэ Алла Ноговицына, Мария Кириллина кыттыыларынан олоххо киирэн эрэр. Бырайыак бэдэрээтчитинэн урбаанньыт А.Н. Ефремов буолла. Саҕалааһыны «Барҕарыы» пуонда үбүлүүр.
Киин куоракка аадырыһы ыйар сурук-бичик икки тылынан суруллуохтааҕа бэртээхэй сонун. Билиҥҥи кэмҥэ үгүс дьон, ордук ыччат, уулусса аатын нууччалыы тартаран, сыыһа ааттыыллар. Холобур: «Курашова уулуссаҕа бардыбыт?», «Лермонтоваҕа тиийдим», «Ленина хаһыс нүөмэрэй?», о.д.а. Манна киһи аатын дьахтар араспаанньатынан ааттыыр курдук буолан тахсар.
Актыбыыстар төгүрүк остуолга кэпсэтиини тылга, сурукка эрэ хаалларбакка, олоххо киллэрэ сылдьаллара хайҕаллаах.
Судаарыстыбаннай диэйэтэл, учуонай-лингвист, классик-суруйааччы Былатыан Ойуунускай төрөөбүтэ 130 сылынан, сэтинньи 11 күнүгэр Ойуунускай уулуссатын 37-с №-гэр турар Өрөспүүбүлүкэтээҕи лиссиэй дьиэтигэр бастакы бэлиэ сурук ыйаныаҕа. Сэтинньи бүтүөр диэри Ойуунускай уулуссатыгар баар бары дьиэлэргэ ыйаныаҕа. Дьокуускай куорат 400 сылын көрсө бары уулуссалар ааттара икки тылынан суруллуохтара.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…