Уулуссаттан булбут каартатынан аһаабыт-сиэбит, таҥныбыт, күүлэйдээбит

Дьокуускайдааҕы полиция 2-с №-дээх отделын дьуһуурунай чааһыгар дьахтар сүппүт каартатыттан 60 тыһ.солк. уорбуттарын туһунан иһитиннэрбит. Бу туһунан СӨ ИДьМ пресс-сулууспата суруйар.

Холуобунай ирдэбил үлэһиттэрэ Кэбээйи улууһуттан сылдьар 25 саастаах киһи уорбаланарын быһаарбыттар.

Быһаарыллыбытынан, бу киһи каартаны уулуссаттан булан ылбыт уонна ону-маны атыылаһарыгар туттан саҕалаабыт. Ол курдук, ас-үөл, таҥас-сап атыыласпыт, оптуобуска айанын төлөөбүт, көмпүүтэр кулууптарыгар, пааркаҕа оонньообут. Эмсэҕэлээччи дьахтар нэдиэлэ буолан баран биирдэ каартатыттан харчы сүппүтүн билэн, полицияҕа үҥсүбүт.

Уоруунан холуобунай дьыала тэрилиннэ.