Уунан хааччыйар эбийиэктэри нэһилиэнньэлээх икки пууҥҥа үлэҕэ киллэриэхтэрэ

Быйыл «Ыраас уу» бырайыак чэрчитинэн, икки уунан хааччыйар эбийиэк — Амма улууһун Алтаныгар уонна Өлүөхүмэҕэ үлэҕэ киллэриллиэхтэрэ. Бу туһунан «Якутия, вперед!» быһа эпииргэ Ил Дархан Айсен Николаев иһитиннэрдэ.

«Соторутааҕыта түөрт улууска ууну ыраастыыр эбийиэктэр үлэҕэ киирбиттэрэ. Онон 25 тыһ. кэриҥэ киһи ыраас иһэр уунан хааччылыннылар. Биһиги, биллэн турар, салгыы бу хайысхаҕа үлэлиэхпит — дьон киин уунан хааччыллыылара элбиирин, улаатарын туһугар»,
— диэн Айсен Николаев эттэ.

Санатар буоллахха, 2019 сылтан «Ыраас уу» бырайыак чэрчитинэн барыта 12 нэһилиэнньэлээх пууҥҥа уунан хааччыйар эбийиэктэр үлэҕэ киирбиттэр.