Хаартыска: СИА саайтан
Уус Алдан улууһун Бээрийэтигэр адьырҕа кыыллар суолларын олохтоохтор оскуола таһынан көрдүлэр, сорохтор дьиэлэрин таһыгар улуйалларын иһиттилэр. Бу туһан СИА суруйар.
Бөрөһүттэр биригээдэлэрин булчута Пётр Охлопков эппитинэн, дэриэбинэ таһынан алта-сэттэ бөрө баара биллэр.
«Бөрө суолун бэҕэһээ көрбүппүт, киэһэ биэс чаас саҕана оскуола таһыгар. Сорох дьон дьиэлэрин таһыттан бөрө улуйарын истибиттэр. Барыллаан, дэриэбинэҕэ алта-сэттэ кыыл киирэ сылдьыбыт. Дьон куттанар, бөрө чахчы киһи олоҕор кутталы үөскэтэр адьырҕа буолар. Биһиги биригээдэбит онно үлэлии барарга бэлэмнэнэр», — диэтэ бөрөһүт Охлопков.
Бээрийэ баһылыга Петр Васильев эппитинэн, урут маннык көстүү буола илигэ. «Элбэх тыллабыр быйыл киирдэ, бөрө баарын туһунан. Соторутааҕыта ыаллыы сытар Түүлээххэ бөрө үөрүн көрбүттэрин кэпсээбиттэрэ. Бэйэм быйыл иккитэ көрдүм суолга айанныы сылдьан. Билиҥҥи туругунан сылгылары тардыбыттарын туһунан тыллабыр суох. Булчуттар хапкааннары уурдулар, дьоҥҥо биллэрдибит куттал баар буолуон сөптөөҕүн сэрэтэн», — диэтэ кини.
Үгүс хаһаайкалар ас астыы сылдьан эт кырбыылларыгар убаһа, ынах сыатын туспа быһан салапааҥҥа суулууллар уонна…
Булуҥ оройуонун суута Эдьигээн олохтооҕун буруйдааҕынан билиннэ. Кини утарылаһааччытын куруусканан төбөҕө охсон, киһи өлүүтүгэр тиэрдибит…
Бу сайын Дьокуускайга Норуоттар икки ардыларынааҕы интеллектуальнай оонньуулар ыытыллыахтара, онно Азия 20 дойдутуттан оскуола оҕолоро…
Холбоһуктаах Араб Эмираттарын киин куоратыгар «Успуорду таптааччыларын аһаҕас оонньуулара» (Open Masters Games) түмүктэннэ. Бу оонньуулар…
Быйыл Олоҥхо ыһыаҕа от ыйын 4–5 күннэригэр Кэбээйи нэһилиэгэр ыытыллыаҕа. Бырааһынньыкка бэлэмнэнии номнуо саҕаланна: манна…
Олунньу 14 күнүгэр Кэбээйи сэлиэнньэтигэр Надежда Софронеева кэриэһигэр "Большие танцы" улуустааҕы үҥкүү күрэхтэһиитэ буолла. [gallery…