Уус Алдан бырааһын холуобунай дьыалатын суукка  ыыттылар

Уус Алдан улууһун борокуратуурата Уус Алдан оройуонун киин балыыһатын бырааһыгар сыһыаннаах холуобунай дьыалаҕа буруйдуур түмүгү бигэргэттэ.

32 саастаах дьахтар РФ ХК 109 ыст. 2 ч. (бэйэтин идэтинэн тустаах эбээһинэһин ситэтэ суохтук толоруунан киһи өлүүтүгэр тиэрдии) буруйданар.

Силиэстийэ чахчытынан, 2023 сыл олунньуга 64 саастаах олохтоох дьахтар учаастактааҕы терапевт-бырааска көрдөрөрүгэр түөһүн диэкинэн ыалдьарын, күүскэ сөтөллөрүн, уопсай туруга мөлтөөбүтүн туһунан эппит.

Быраас ыарыы туһунан анамнеһы ситэ хомуйбакка эрэ сыыһа диагноһы туруорбут уонна тымырга ыларыгар аллергиялатыан сөптөөх эмп препаратын анаабыт.

Пациенткаҕа укуолу туруоруох иннинэ боруоба оҥоһуллубута ыларыгар сөбө суоҕун көрдөрбүт.

Ол эрээри быраас ыарыһахха эмиэ бу эмп бөлөҕүттэн тымырга атын эми анаабыт.

Хомойуох иһин, препараты тымырга киллэрии кэнниттэн дьахтар анафилактическай шоктан суорума суолламмыт.

Борокуруор бу холуобунай дьыаланы суут көрүүтүгэр ыыппыт.

Холуобунай дьыаланы РФ СК Саха Өрөспүүбүлүкэтин Чурапчытааҕы МСО-тугар силиэстийэлээтилэр.

https://t.me/tprocsakha