Уус Алдан, Дьокуускай байыастара уоппускаларыгар кэллилэр

Предпринимательство, атыы-эргиэн уонна туризм миниистирин бастакы солбуйааччыта  Максим Карбушев уонна  предпринимательствоны сайыннарыы пуондатын генеральнай дириэктэрэ  Петр Максимов  байыаннай дьайыыттан уоппускаларыгар кэлбит икки байыаһы көрүстүлэр.

Александр Уус Алдан Балыктааҕыттан, оттон Дмитрий Дьокуускай куораттан төрүттээхтэр. Былырыын алтынньыга мобилизацияланан барбыттар.

Байыастарга Ил Дархан аатыттан саха быһаҕын туттардылар, эр санааларын иһин махталларын биллэрдилэр.

Александр уонна  Дмитрий  өрөспүүбүлүкэ салалтатыгар кинилэргэ уонна дьиэ кэргэттэригэр  куруук күүс-көмө, өйөбүл буолалларын иһин махтаннылар.